Luke 3

Anuwa Kari John den apukaso

(Mat 3:1-12; Mark 1:2-8; John 1: l9-28)

Tiberius Caesar nu 15 yar ko ali sor bitaruwakaso, se ko bowa ningi Pontius Pilate mu Judea bitaruwakaso. Se King Herod mu Galilee bitaruwakaso, ko uria Philip mu Iturea se Traconitas bitaruwakaso, se Lysanias mu Abilene bitaruwakaso. Se Annas se Caiaphas mu ilagala priest supuling bagakasan. Se tom umutang te Zechariah ko namar John sor garagarayam mu te bagaram se Kaem ko den nu kote tairam. Se nu Yu Jordan ko koma suen biya te geragakaso ale kariimet iwita nunga manarukaso, “Giris palagal ale anuwa tal, se Kaem ninga ikup memek mu siwu warukko,” makaso.

John prophet Isaiah ko batoga te balam butata bitakaso. Isaiah iwita balam:

“Ali sor garagarayam mu te kari bo ai baluwoso,
‘Kari Biya ko lage nungal dingumuralko!’ ma baluwoso.
‘Gusong saguwural ale duruk dopang kaural pakokaral se dirmaukko.
Ale lage geraga dalelara mu dingumural,
lage manga tam mutim karogo mu nungalko.
Se kariimet suen la Kaem ana te nanga giokko ura beteram mu aringimonko.’”
Luke 3:4-6 Isaiah 40:3-5.

Kariimet motam biya John ko kuting te anuwa tamonko taikasan. Se nu nunga maonam, “Nina urer ma tuguta nunga kuriang agila pa! Awiri QMattQ Fay ninga maonam se nina Kaem ko gomang magara taiwoso mu ko naguwasan a? Nina nunguningta giris palagaman agi mu, giris palaga ko munan te diram la bagaralko. Nina ninimi ikial, 'Ana Abraham ko gue se Kaem ko gomang magara me aringinakkowo,' ma me balalko.
Luke 3:8 John 8:39-41 ago arikko.
Mu awuk, ani ninga manorsam, Kaem manga imi giok ale Abraham ko taleng girigir ko nunga nungokko terong mam.
Palangis maingkala tam duap ningi tam kaurokko aniso. Tam suen biya nunguning yawara me kapuruk, mu kaurok ale tama ningi warukko.”

10 Nu butata balam se kariimet suen la nu isarman, “Buta se ana awuk manak?” 11 Se nu nunga den koma iwita balam, “Kari bo ko guang ilagala agi mu, ko bo guang mena mu bo tuokko. Kari na ago agi mu, betela tala bitirukko.”

12 Se takis manga tata kari saki anuwa tamonko karogo tai gilingiman, ale isarukasan, “Kari biya, ana awuk manakko?” makasan. 13 Se nu nunga maonam, “Nina kariimet nongote manga ko tom te diram la talko, kawel te sang ago me gialko.”

14 Se kager kari sikina karogo nu isarman, “Se ana ya? Ana awuk betenakko ya?” maman. Se nu nunga maonam, “Nina kari manga ningarmonko me nunga diruwuralko. Ale kawel te kari den ningi me nunga awuralko. Ale ninga ura koma ko, bo karogo me balalko.”

15 Kariimet Kristus tairukko kimi bita se nungamin yenakaso, se nongomang ningi la balukasan, “John mu Kristus agi mena agila?”

16 Se John nunga maonam, “Ani yu te ninga anusam. Bare kari bo taiwoso mu noko nup sokel biyala aninga kiaram, se ani noko doleng tuagu QJNQ ko lakira ko mayang kutuwurikko me terong. Ani noko bowa ningi aliti biya. Nu Korang Bur te se tama te ninga anuwokko.
Luke 3:16 Bala bo mu iwita: “Nu Korang Bur biyala ningaruk ale tama te ninga memek kai warukko.”
17 Nu wheat nunguning te tutera ko mel iluwam, wheat nunguning ko kuwim te gi awurok, ale ko bunetutuk memek mu tama pempem la kaniwoso mu ningi waruk se kani namurukkowo.”

18 John den gilalong yawara kariimet nungaru se, nungamin kiti te sinar uriokko den suen biya ago balukaso. 19 Bare nu ali supuling King Herod kota ko uria ko nuwus Herodias tam mu ko ining tuam, ale memek sang Herod karogo beteram mu ko ago maonam,
Luke 3:19-20 John nu Herod ining tuam se taliparam: Mark 6:17-18.
20 owore ko Herod John talipara kawam ningi beteram, umu memek nunguningkiri tala aking beteram.

John Jesus anuwam

(Mat 3:13-17; Mark 1:9-11)

21 Kariimet suen biya anuwa towaman se Jesus karogo anuwa taukko tairam, se John nu anuwam. Se nu Kaem ilak munakawaram se duruk kuring kaigam, 22 se Korang Bur inanganang biton iwita kote kaparam se aringiman. Se kuring bo duruk te airam balam, “Ni aninga Kuriang, ani ninguru ka kuesam. Aninga angamang ni ko ko amilmiloso.”

Jesus ko nongotakari taleng girigir nunga nunup

(Mat 1:1-17)

23 Kam Jesus ura te duap beteram mu noko yar 30 iwita. Se kariimet ikikasan mu Joseph ko kuriang ma balukasan.

Se Joseph mu Heli ko kuriang.

24 Se Heli mu Matthat ko kuriang.

Se Matthat mu Levi ko kuriang.

Se Levi mu Melki ko kuriang.

Se Melki mu Jannai ko kuriang.

Se Jannai mu Joseph ko kuriang.

25 Se Joseph mu Mattathias ko kuriang.

Se Mattathias mu Amos ko kuriang.

Se Amos mu Nahum ko kuriang.

Se Nahum mu Esli ko kuriang.

Se Esli mu Naggai ko kuriang.

26 Se Naggai mu Maath ko kuriang.

Se Maath mu Mattathias ko kuriang.

Se Mattathias mu Semein ko kuriang.

Se Semein mu Josech ko kuriang.

Se Josech mu Joda ko kuriang.

27 Se Joda mu Joanan ko kuriang.

Se Joanan mu Rhesa ko kuriang.

Se Rhesa mu Zerubbabel ko kuriang.

Se Zerubbabel mu Shealtiel ko kuriang.

Se Shealtiel mu Neri ko kuriang.

28 Se Neri mu Melki ko kuriang.

Se Melki mu Addi ko kuriang.

Se Addi mu Cosam ko kuriang.

Se Cosam mu Elmadam ko kuriang.

Se Elmadam mu Er ko kuriang.

29 Se Er mu Joshua ko kuriang.

Se Joshua mu Eliezer ko kuriang.

Se Eliezer mu Jorim ko kuriang.

Se Jorim mu Matthat ko kuriang.

Se Matthat mu Levi ko kuriang.

30 Se Levi mu Simeon ko kuriang.

Se Simeon mu Judah ko kuriang.

Se Judah mu Joseph ko kuriang.

Se Joseph mu Jonam ko kuriang.

Se Jonam mu Eliakim ko kuriang.

31 Se Eliakim mu Melea ko kuriang.

Se Melea mu Menna ko kuriang.

Se Menna mu Mattatha ko kuriang.

Se Mattatha mu Nathan ko kuriang.

Se Nathan mu David ko kuriang.

32 Se David mu Jesse ko kuriang.

Se Jesse mu Obed ko kuriang.

Se Obed mu Boaz ko kuriang.

Se Boaz mu Salmon ko kuriang.

Se Salmon mu Nahshon ko kuriang.

33 Se Nahshon mu Amminadab ko kuriang.

Se Amminadab mu Admin ko kuriang.

Se Admin mu Ram ko kuriang.

Se Ram mu Hezron ko kuriang.

Se Hezron mu Perez ko kuriang.

Se Perez mu Judah ko kuriang.

34 Se Judah mu Jacob ko kuriang.

Se Jacob mu Isaac ko kuriang.

Se Isaac mu Abraham ko kuriang.

Se Abraham mu Terah ko kuriang.

Se Terah mu Nahor ko kuriang.

35 Se Nahor mu Serug ko kuriang.

Se Serug mu Reu ko kuriang.

Se Reu mu Peleg ko kuriang.

Se Peleg mu Eber ko kuriang.

Se Eber mu Shelah ko kuriang.

36 Se Shelah mu Cainan ko kuriang.

Se Cainan mu Arphaxad ko kuriang.

Se Arphaxad mu Shem ko kuriang.

Se Shem mu Noah ko kuriang.

Se Noah mu Lamech ko kuriang.

37 Se Lamech mu Methuselah ko kuriang.

Se Methuselah mu Enoch ko kuriang.

Se Enoch mu Jared ko kuriang.

Se Jared mu Mahalalel ko kuriang.

Se Mahalalel mu Kenan ko kuriang.

38 Se Kenan mu Enosh ko kuriang.

Se Enosh mu Seth ko kuriang.

Se Seth mu Adam ko kuriang.

Se Adam mu Kaem ko kuriang.

Copyright information for `WSK