Philippians 3

Paul ko gomang biyala nu Kristus ko ninguru ikiokko

Aga singsang, ani den nukum morikko se iwita balsam: Nina Kristus ilak soraman mu ko amilmil ago la bagaralko.

/ Buta se aga singsang, nina Kristus ilak soraman mu ko amilmil ago bagaralko.

/ ...

Nina Kristus ilak soraman mu ko amilmil ago la bagaralko! Ani den imi aking bataguru ningarikko me mesam, bare den imi mu am ninga sangukko.
Sinar talko! Kari saki kausik memek iwita wonong wonong geragasan ale balsan, “Ningimik guang batogal mu asele nina Kaem ko kari nunguning,” ma balsan. Bare nina nunga den me ikialko! Mu nuna kawelasan ale ikia memek betesan. Bare ana mu asele Kaem ko kariimet nunguning. Mu awuk, ana Bur te Kaem ko nup patowasan, ale Jesus Kristus ko amilmilasan, ale munan nangimik guang ko la mu ko me nangamang ningi nunguning aram.
Phil 3:3 Kaem ko kariimet nunguning: Rom 2:28-29; Gal 6:15.


E ani munan mu te sanamirikko, mu am te sanamirikko tala. Mu awuk, ani kari sang munan mu te sanamasan mu nunga kiarem. Ani bilangerem se tom 8 mu te, nuna aninga angimik guang batagorman. Ani Israel kari, Benjamin ko gue te. Ani Hebrew, se Hebrew gue nunguningkiri. Se Moses ko Law Den, mu ani Pharisee se ninguru karo tuikasam. Ale munan mu ko ninguru sail tagikasam ale Kris alo nunga bita maguwukasam. Ani Law Den bo me kiakasam, suen la karo tuikasam, se memek bo mena.

Ani ikikasam, munan mel imitang ani te yawarakala bagirikko makasam. Bare aitak ani Kristus ko angamang ningi nunguning aram, se ani munan mel suen la umutang mel yam ko balsam.
Phil 3:7 Paul mel yawara arigam: Mat 13:46.
Se munan mel mu la mena, ani mel suen la mel yam ko balsam. Mu awuk, aninga Biya Jesus Kristus ko ikisam umutang mu mel biya nunguningkiri. Ani nu kowom karikko se, mel suen la bunetutuk guringi waru sapara ko iwita ikiem ale waru saperem, mu awuk, ­ani Kristus la ilukuawurik ale ilak bagirikko mu la ko angamang aniso.

Se ani aitak agata aga sail te, Law Den karo tua te, kari ningo diram ko aratikko me karogo kaesam. Mena. Ani Kristus ko angamang ningi nunguning aram, se mu te Kaem aga balam kari diram ko aga balam.
10 Aninga angamang biyala ani Kristus ko ninguru ikiekko. Ale ko sokel te barasam mu ko ikiekko. Ale nu ikup giam iwita ikup giekko. Ale nu kueram iwitatala am kuerikko. 11 Umutang te ani ikisam ani betela tom nukum te, Kris alo barasomonko tom te, Kaem ani agotala aga patawuruk se barasikko.
Phil 3:11 Kris alo barasomonko tom: 1 Cor 15:23.


Ana Paul nagukaso iwitata nagunakko

12 Ani balsam aninga bagara aolak Kristus ko bagara aolak iwita se ani maingkala terong maem ma me balsam. Mena. Bare munan borta Jesus Kristus aninga kausokko aga tam ale aga ilukuawuwoso, se ani taik ilukuawurikko ko sail tagiwasam. 13 Aga singsang, ani munan mu maingkala taem ma me balsam. Bare aninga ikia suwanta: ani mel abiring ko mu me ko ikia tasam, ani mel o udagi taiwoso mu ko la iki se, 14 diram la kuwim te nama aratik ale koma yawara taikko mu la atumukirem ale sokel ago naguwasam. Se koma yawara Kaem Jesus Kristus te aisukko ko aga auram mu iwita: ani nu ilak duruk wonong te bagirikko. / Simpler: Mu awuk, Kaem Jesus Kristus te aninga auram, ani duruk wonong te ilak bagirikko.

15 Se ana suen la nanga ikia Korang Bur ningi sinar aman mu uwutatala ikinakko. Bare nenenga ikia kegelak aniruk agi mu, Kaem ninga kausokko. 16 Bare mel biya mu munan ana maingkala taman mu ilukuawunak ale, umutang te la aolak ilu nama se baganakko.

17 Aga singsang, nina aninga amolak kaoralko. Ale kariimet munan ana ningarman umutang nuna karo tuiwasan, umutang nomolak kaoralko. 18 Mu awuk, ani tom suen biya ninga manarukasam butata aking aitak amononge kapa se ninga manorsam, kariimet suen biya nup Kris, bare nunga bagara aolak mu Kristus ko tam kangono nubiring tua iwita bagasan. 19 Nuna tama ningi sarenga namomonko. Nungumik guang ko ikia memek mu nononga kaem iwita. Nuna ikia munan duap duap ko dolara ago mu ko amilmilasan. Nuna ali imi ko mel ko la ikia nunga moso.

20 Bare ana mu duruk wonong ko kariimet. Se anananga Sangaru Ta Kari Biya Jesus Kristus sor umutang te tai kapurukko, se ko amilmil te kimi bitawasan. Nu ko sokel mel suen biya nu kota bowa ningi la awuso borta te, anananga nangimik guang sokel mena imi gurugok se, nu kota ko kumik guang marak sokel nikitang ago wore turan aratukko.
Phil 3:21 Nangimik guang iru tanakko: 1 Cor 15:42-57.


21 

Copyright information for `WSK