Psalms 1

Kari diram alo se kari memek alo nunga den

Kari awiriya kari memek nunga ikia me karo tuso, ale kari memek betesan mu nunga nomolak me karoso, ale kari nuguring ningi gusia den kapawara mu arungu me dagiso,

mu kari mutang amilmil ago bagurukko.

Nu Kaem ko den ninguru ko amilmiloso,

ale turom woremkalal den mu ko kuamin tugu se bagoso.

Kari mu nu tam yu norogen te agusan se baga ko tom te diram nunguning kaposo ware turan, ale ko gawa me marakoso ware turan.

Se nu anapeya beteso ware am ningo la aratoso.

Kari memek alo mu uwuta mena.

Nuna tam gawa merang daula itugu warso iwitata.

Butata se kari memek alo mu tutera kam te sanamomonko me terong, mu dagulomonkowo.

Kari memek betesan mu kari diram mu nunga biguwura ningi me bagomonkowo.

Kari Biya mu kari diram mu nunga namara taira te nunga bitaruwoso.

Bare memek betera kari alo mu sarenga namomonko.

Copyright information for `WSK