Psalms 113

Kaem Biya nu munan nuam ko den*

Kari Biya nup patowaralko!

Nina Kari Biya ko ura kari, nup patowaralko!

Noko nup aitak tom imi te se tom udagi am patawu se lagaralko.

Koma worem bausa mu te se nama koma te kapara mu te, Kari Biya nup patowaralko.

Kari Biya ali sor suen la bitarso.

Se ko nup, ko nikim sokel, mu taiti kuali mel suen la nunga kia saparam.

Kari bo ta Kari Biya anananga Kaem mu ko tuar mena.

Nu kualala biya bagoso.

Nu motam ewela kaposo se taiti ali ariwoso.

Ale nu kariimet nungumik mel mena, kituwura guat, mu nunga sangarso,

kariimet nungumik kawam mena, ali mena, na inang mena, mu nunga gi noko kariimet nunga supuling alo nunga ningi nunga awuso se yawarakala bagasan.

Nu imet kuin sisira mu kuriang nungarso,

se kuriang ilusan ale amilmilasan.

Se Kari Biya nup patowaralko! Aleluya!

Copyright information for `WSK