Psalms 12

Kari Kaem nu sangukko ko ngatonga den

(Devit ko wur bo)

O Kari Biya, nanga sangaruko!

Imi te kari ningo nuam bo ta me bagoso,

se kari nongomang ningi nunguning mu mena tala.

Kari suen la nunga saki den kawel arungu balsan,

ale den welang te nunga kulursan.

O Kari Biya, kari den welang kawel nuguring te aratuwoso mu nuguring kaloko!

Ale kari nunumi patowara se anira mu nuguring kaloko!

Nuna balsan, “Anananga munak den te anapeya mel ko kuesan mu tanakko.

Kari bo ta ana nagiring me kalokko.

Ana aguwaya balnakko mu am balnakko,” ma balsan.

Bare Kari Biya iwita nunga balso, “Nuna kariimet nungumik mel mena nokotam mena, mu nunga ira kutuwusan ale nunga bita maguwusan,

se yaman ikup gi se, nia se, ani nunga sangikko kimi bita se anisan.

Se umutang ko ani aitak tairik, ale nunga bataguru taik, ale nunga sinar taikko.”

Se Kari Biya ko den mu nunguningta,

silva ninguru nungursan se nikim aniso iwitata, pempem nikim aniso.

O Kari Biya, ani ikisam ni kari memek alo mu nanga bita maguwumonko tom suen biya nanga sinar toko.

Tom kariimet kilek memek mu kilek ningo ko balsan ale nup patowasan,

mu kari memek alo mu aratasan ale ali eresan ale nunumi patawu patawu geragasan.

Copyright information for `WSK