Psalms 121

Kari Biya mu nu anananga Sinar Kari ko den

Ani amatam kuali duruk bibiya te loagasam,

bare awiri aninga sangukko?

Mu Kari Biya taiti ali beteram mu nu kota aninga sangukko.

Nu me ka bitiruk se dagulko,

nika Bitua Kari mu pempem marak bagoso.

Isrel ko Bitua Kari mu motam me kilikilik maso, ale me aniso.

Kari Biya nu kota ka bituokko,

nu beta dugu te kerak baga se ka sinar taukko.

Se woremkalal mu worem me ka morukko,

se aking turom mu betela sige me ka morukko.

Se mel aguwaya ka morukko tairuk, bare mu Kari Biya ka sangaru taukko.

Nu me ka bitirukko, nu am ka sinar towurukko.

Se ni apalakaya namar ale tair, mu Kari Biya ka sinar to kerak baga eng am butata pempem la lagurukko. Nunguning.

Copyright information for `WSK