Psalms 126

Kari Biya noko kariimet nunga saongam ko den

Tom Kari Biya anananga giam nangarak Jerusalem peleram tairam,

mu ana “ipingisan i” maman!

Ana gusira ngata te, amilmil te, wur la taikasan!

Se sor saki ko kariimet ana nangarkiwakasan ale iwita balukasan,

“Kari Biya kariimet umu nungumik te kilek bibiya beteram,” makasan.

Se mu nunguningta. Kari Biya ana nangimik te kilek bibiya beteram, se ana ninguru amilmilasan.

O Kari Biya, ana peleman taiman bare mel suen la maga saparam,

se ni sor garagarayam te tuwik betesan se kaposo iwitata, ali marak sokel iru tui se aking yawarakala te baganakko,

Se kariimet nomononge kapa se nunga na inang asursan,

mu udagi na inang gi se ninguru amilmilomonko!

Mu awiriya mononge kapa se, na inang kumi giso ale asuokko namoso,

mu nunguningta nunguning, nu udagi te amilmil ago nunguningkiri wur ilu se, ko nunguning giok ale ago peleruk tairukko.

Copyright information for `WSK