Psalms 127

Kari Biya nu anananga Sinar Ta Ta ko Kari Nunguning ko den

(Solomon ko wur bo)

Kari Biya nu kawam kaola kari mu arungu ura me iluwok,

mu kawam kaola kari nunga ura mu nunguning mena.

Kari Biya wonong ko me sinar tauk,

mu pitang kari wonong bitarmonko sanamasan mu nunguning mena.

Tumong biyala barasa ale, na inang mel ko ura kowar iluwara se nama uriluan ara, mu ko ikia memek.

Mu awuk, Kari Biya nu kariimet nunga kueso mu nunga sinar taso, ale nonoman sapomon ale animonko tom nungarso.

Kari Biya kuriang nangarso mu noko munan nangarso.

Mu nuna noko munan yawara nunguningkiri nangarso.

Kari kulak ko kuriang kari aratasan,

mu gatu siping ago kari kuting te iluwoso mu turan.

Kari ko namar ari suen biya, gatu siping ago iwitata, mu nu amilmilarukko!

Se kari bo nu ilak den tagirok ale kageraruk bare nu memek me taukko.

Copyright information for `WSK