Psalms 131

Kari numi kutuwuram ale kuriang gotek iwita bagoso ko den

(Devit ko wur bo)

O Kari Biya, aitak ani aimi patowara merem,

ale kualala namara mu abiring tuem.

Ani mel bibiya ko ikia me tasam,

ale ikia biya taikko me karogo kaesam.

Kuriang gotek ko nuam kuting te kawus maso ale bagoso ware turan,

aitak ani kawus maem ale lila te bagasam, se angamang kutek am biya.

O Isrel, nina Kari Biya ko nengemang ningi nunguning arukko, aitak se eng tom suen biya betelatala!

Copyright information for `WSK