Psalms 15

Munan ningo la betenakko den

(Devit ko wur bo)

Kari Biya, awiri Duruk Saion mu te nika kuwim kako nunguning mu ningi kasu nagurok ale nikarak bagurukko ya?

Mu kari nu mel suen biya te Kaem kuring bowa ningi namoso,

ale munan aguwaya diram mu pempem la te beteso,

nu den kawel mena, am den nunguning la balso,

mu kari mutang nikarak bagurukko.

Nu saki alo me nunga balu maguwuso, ale saki alo nungumik te memek bo me beteso,

ale saki alo nubiring ko den me balu balu geragoso.

Nu kariimet memek nunga me kueso,

bare nu kariimet Kaem kuring karo tusan mu nunga nunup patawoso.

Nu ko bo manarso, “Ani mel mu bitirikko,” maso, mu eng am beteso.

Se beteso mu ko ikup arigokko agi bare am beteso.

Nu saki alo kote manga tasan ale aking koma tusan, mu nu nungate daula manga bo me taso, noko manga nungaram bare la diram taso.

Ale saki alo nu manga te gomang kulukurmon se kari sang nungumik den mena mu den ningi me nunga awurokkowo.

Kari kilek imi bita saposo, mu nu me dagulokkowo.

Copyright information for `WSK