Psalms 3

Kari Kaem nu sangukko ko ngatonga den

(Devit ko wur bo)

(Devit king ko bagakaso, bare noko kuriang Absalom noko ura nu taukko ago kaeyakaso, se Devit naguram ale den imi balam.)

O Kari Biya, ani angimik ko kager kari suen biya!

Nuna suen biya nunguningkiri ani agarak kagerawasan!

Ale nuna ani ago ko balsan,

“Kaem nu me sangukko pa!” masan.

Bare Kari Biya, ni keta suwanta aninga saonga, se aninga karem,

ni keta suwanta aninga nguangara dolora menawusam se ani barasu dirmasam.

Ani Kari Biya aga sangukko arusam,

se nu ko duruk mutingir kako mu te ani agiring iluso.

Ani taga anisam, ale anisam,

se turom luan maiya Kari Biya aninga sinar taso se aking maragasam.

Ani kari tausen tausen aga momonko aga taluru guruguman, bare ani me nguangasam.

Kari Biya, tairko! O aga Kaem, aga sangaruko!

Ni kari aninga momonko kaesan mu memek nungaru,

ale nunga nosokel menawurko.

Kari Biya, ni keta anananga Bataguru Ta Kari.

O Kari Biya, ka kariimet marak nungaruko.

Copyright information for `WSK