Psalms 4

Kaem kari bitarso mu ko nu amilmiloso ko den

(Devit ko wur bo)

O Kaem, ni aga Bitua Kari yawara, ani airik mu agiring ikiko!

Ani ikup memek arigem se ni aga sangem.

Se gemang aisu ale aga woseng ikiko!

Nina tom amaru te aninga balu maguwusan mu beteralko ya?

Ale tom amaru te mel yam yam ko kuesan mu beteralko?

ale kaem kawel nunup patawuwasan mu nunga beteralko?

Nina imi ninguru ikialko: Kari Biya kariimet diram mu noko nunga balam.

Se ani arusam, mu nu ikiso.

Nina nguangaral ale udagi munan memek me beteralko.

Nina barim te baga se mel imi ko ninguru ikial ale kute maralko.

Tama ningo la Kaem tualko,

ale ko nengemang ningi nunguning arukko.

Kari suen biya Kaem iwita manorsan ale balsan:

“O Kari Biya, mel ningo ningo nangaru se ana amilmilanakko! Ni munan nangaru nanga sangaruko!” masan.

Bare Biya, ni amilmil ani angamang te beterem se aniso imi mu, nononga yu inang ko tom kaposo ko amilmil mu kiaram.

Kari Biya, ni la aga bitarsam, se ani terong bagasam.

Buta se ani mel bo ko me nguangasam.

Ani taga anisam mu lila te ani kuesam.

Copyright information for `WSK