Psalms 47

Kaem nu kariimet suen la nunga King Biya ko den

(Kora ko kuriang alo nunga wur bo)

Kariimet suen la nigiting moralko!

Amilmilaral ale Kaem nup patowaralko!

Ana Kaem Kualala Biya mu ko nguanganakko.

Nu king biya, nu ali lilim la bitarso.

Nu sokel nangaram se ana ali sor saki nunga kiaman.

Nu balam se ana sor saki nunga bitarsan.

Ana noko kariimet, nu ninguru nanga kueso.

Nu ali ana te bagasan imitang balu nangaram, se ana te amilmil ago bagasan.

Kari Biya Kaem nama tarigiram, king ko daiga kuwim tam te daigam.

Kariimet amilmil kelaga se biugel ituguwakasan se nu te nama tarigiram nup biya tam.

Wur iluwal, Kaem nup patowaralko!

Wur iluwal, nanga king ko nup patowaralko!

Kaem nu ali lilim la ko king,

se wur te nup patowaralko!

Kaem nu ko daiga kuwim kako nunguningkiri ware te daigam baga se ali sor suen la bitarso.

Se ali sor suen la ko supuling alo mu Ebraham ko Kaem ko kariimet arungu koma te biguwuman bagasan.

Gatu karem suen la ko sokel nu iluwoso.

Nu la Kualala Biya.

Copyright information for `WSK