Psalms 67

Kaem amilmil tua ko wur bo

Kaem, ni gemang nangaru ale marak nangaruko.

Worem iwita kema gurugu nangaru ale ka nikim nangaruko.

Mu te ali lilim la ko kariimet nika munan, ka kilek betesam mu ko ikimonko,

ale sor suen biya ko kariimet ni nunga sangaruko terong maem mu ko ko ikimonko.

O Kaem, aninga angamang kariimet suen la ni ko ko amilmilomon ale nip patawomonko!

Nuna amilmil kelagomon ale wur ilu se nip patawomonko,

mu awuk, ni munan diram te la kariimet nunga bitarsam,

ale ikia ningo te la ali sor suen biya nunga diruwusam.

O Kaem, aninga angamang kariimet suen la ni ko ko amilmilomon ale nip patawomonko!

Mu te ali imi te na inang ninguru tala kapurukko.

Se Kaem, anananga Kaem, mu nu marak nangarukko.

Kaem mu nu marak nangarukko.

Se ali sor suen la ko kariimet noko bowa ningi baga se nup patawomonko.

Copyright information for `WSK