Romans 5

Ana Jesus Kristus te Kaem ilak bagasan

Ana nangamang ningi nunguning te Kaem kariimet ningo diram ko nanga balam. Buta se ana aitak nanga Biya Jesus Kristus te nangamang suwanta Kaem ilak bagasan. Ana noko nangamang ningi nunguning aram, se nu nanga giam ale Kaem ko lila yawara te nanga awuram se te bagasan. Ale ana udagi Kaem ko nikitang te ilak baganakko mu ko ninguru amilmilasan.

Bare mu la mena. Ana ikup gisan mu betela ko amilmilasan. Mu awuk, ana ikisan, ana ikup gisan mu nangamang sokel tuso.
Rom 5:3 Ikup gia ko munan: James 1:2-3; 1 Peter 1:6-7.
Se ikup suen biya te sokel ago la sanamanak mu, nanga nangamang ningi nunguning mu aurok se gek am tala tom yawara Kaem balu nangaram mu ko kimi betenakko. Se ana tom mu ko kimi betenak bare me aringinakko iwita mena. Mu aringinakkowo! Mu awuk, Kaem ko Korang Bur nangaram, se nu te ana ninguru ikiman, Kaem nanga kueso.

Mu iwita: tom ana nasokel mena bagaman, mu Kristus ana nago ko kueram. Ana kariimet memek, bare tom Kaem balu beteram mu te Kristus nago ko kueram. Nina ikisan, ali imi te kari bo ta kari kumik den mena wore sangukko mu ko kuerukko ko gomang me aniso agila. E tom saki kari sang kariimet ningo mu nunga sangarmonko kuera nunguning kua gilingisan. Bare munan mu tom suen biya me aratoso. Bare Kaem ninguru nunguningkiri nanga kueso mu imi te nanga kausam: tom ana kariimet memek bagaman mu te Kristus ana nago ko kueram.
Rom 5:8 Kaem ninguru nanga kueso: John 3:16; 1 John 4:10,19.


Noko gue te Kaem nanga balam kariimet ningo diram ko nanga balam. Buta se ana ninguru ikisan, Kristus te ana Kaem ko gomang magara udagi me aringinakkowo! 10 Mu awuk, tom ana Kaem ko kager kari bagaman mu te ko Kuriang ana nago ko kueram ale Kaem koma dugu te nanga awuram. Buta se ana imi ko ninguru ikisan, Kuriang umutang barasam ale nangarak bagoso mu te Kaem ninguru nanga sangukkowo! 11 Bare mu la mena. Nanga Biya Jesus Kristus te ana aitak Kaem koma te ilak wete bagasan, se umutang ko ana Kaem ko ninguru amilmilasan!

Ana Adam te kuesan, bare Kristus te marak barasasan

12 Nina ikisan, kari suwanta Adam memek beteram mu te memek ali lilim la iram. Ale noko memek mu kuenakko lage mu tagiram karogo utu naguram. Se kua namanakko ko munan mu ali sor suen la ira muram. Mu awuk, kariimet suen la memek bitakasan.

13 Bare Kaem ko Law Den Moses me tuata la, mu kariimet memek bitakasan mu Adam Kaem ko den kulukuam iwita me kulukurukasan.
Rom 5:13-14 Ana kuesan ko duap: Genesis 2:17; 3:6; Rom 6:23.
Mu awuk, Kaem ko law den bo me aniruk mu, Kaem baluk nina aninga den kulukurman ma me balukko. Bare Adam ko tom te se, tai Moses ko tom te, kua namara ko munan mu am kariimet suen biya nunga ira muram.

/ 13. (Verses separate and trying NCV. I think this is better myself, but it needs polishing.) Kaem ko Law Den Moses me tuata la / me anikaso la, mu kilek memek (ali imi te) anikaso / kariimet (kilek) memek bitakasan. Bare Kaem balukaso nina aninga den kulukurman ma me balukaso, mu awuk, law den bo mena / me anikaso. 14. Adam ko tom te se, tai Moses ko tom te, nuna Adam Kaem ko den kulukuam iwita me kulukurukasan. Bare kua namara ko munan mu am kariimet suen biya nunga ira muram.

Adam mu kari udagi tairukko, Kristus, wore ko koma tata.
15 Bare kari ilagala nunga dugu duap koma suwanta mena! Kari suwanta Adam ko memek te kariimet suen la kueman. Bare Kaem gomang nangaram ale kari suwanta Jesus Kristus te kariimet suen biya nunga memek siwuram. 16 Se aking memek suwanta te ana kariimet suen la den ningi kapaman. Bare Kaem ko munan nangaram mu te anananga memek suen biya siwuram, ale kariimet ningo diram ko nanga balam. 17 Kari suwanta Adam ko memek te kua namara ko munan ana suen la nanga ira muram, ale kua namara mu supuling iwita bagakaso. Bare Kaem gomang ninguru nunguningkiri nangaram ale kari suwanta Jesus Kristus te ana kariimet ningo diram ko nanga balukko mam. Se ana awiriya noko nangamang ningi nunguning aram, mu ana nu te tom suen biya marak, amilmil, sokel ago mu te baganakko.

18 Buta se, memek suwanta mu kariimet suen la memek ningi nunga awuram iwitatala, munan diram suwanta mu suen la nunga saongam ale marak nungaram. 19 Aking kari suwanta Kaem ko kuring batogam mu te kariimet suen la kariimet memek ko arataman iwitatala, kari suwanta tala Kaem kuring karo tuam mu te Kaem kariimet suen biya nunga baluk kariimet ningo diram ko ma nunga balukko.

20 Kaem ko Law Den kariimet karo tumonko Moses tuam mu ko duap iwita: mu nuna te nunumi ikimon nuna munan kulukua ko kariimet nunguningkiri. Mu awuk, nuna eng den mu kuali kapakasan ale kilek memek suen biya bitakasan. Bare nononga memek suen akaso bare Kaem ko gomang mu am biyala nungarukaso. Motam la kilek memek sokel ago bagakaso. Mu awuk, mu kua namara ko munan tagiram se kariimet suen la nunga ira muram. Bare aitak Kaem ko gomang lila mu sokel ago anananga ira murso. Mu awuk, nu nanga Biya Jesus Kristus te nanga balam kariimet ningo diram ko ma nanga balam, ale marak sokel tom suen biya te bagara ko mu nangaram.
Rom 5:20-21 Law Den ko ura, se Kristus ko ura: Gal 3:19,24; John 1:17-18.


21 

Copyright information for `WSK