Genesis 36

Isau Ye Awoya

Keke Isau ye awoya yi weng. Isau yaningko mamaa kuu Idom. Isau kuu Besmat yoom Keenan nima Ada yoom Oholibama yoom awadmoon. Ada kuu Hitman Elon ye mungkan. Oholibama kuu Hitman Sibeon ye dana Ana ye mungkan. Besmat kuu Ismael ye mungkan, Nebaiot ye daman. Adambed Isau ye dana Elifas wooneen. Besmat kuu Reuel wooneen. Oholibama kuu Yeus yoom Yalam yoom Kora yoom kwane wanabeen. Isau ye karub dana Keenan aombed wanabiwen kukui.

Isau kuu ye amerediib ye karub danayiib nimadanayiib yambiwoom doriib ye karuwiib ye dingkan kawiib ye dingkan yenayiib ye yiribman koremiib Keenan aombed boon kuu ye daman Yekob kuu domonene wene okad ambab angkambed doboroon. Kurin kuu yimbed ooniwen yi yiribman kumbed yemoon keroone, okad kuyaom yi ayoob dobiri kuu yiminban, amborom kuu yi dingkan kab yemoon keroon kowe yi animaib kuu kirod dowan kerimaan. Kowe, Isau kuu aangko ambibkin Idom yaa wene doboroon.

Isau ye awoya yi weng kuu kei. Ye awoya kuu aangko ambibkin Idomdan kui. 10 Keke Isau ye karub dana yi aningko.

  • Elifas kuu Isau yoom Ada yoom yi dana mingki.
11 Elifas ye karub dana kuu Teman yoom Omar yoom Sefo yoom Gatam yoom Kenas yoom kwane. 12 Isau ye mingki Elifas kuu dungkud wonong animari awanoon yu aningko kuu Timna, yumbed dana mingki Amalek wooneen. Kukuu Isau ye wonong Ada yu awoya. 13 
  • Reuel kangkon Isau yoom Besmat yoom yi dana mingki. Reuel ye karub dana kuu Nahat yoom Seera yoom Sama yoom Misa yoom kwane. Kukuu Isau ye wonong Besmat yu awoya.
14 
  • Isau ye wonong Oholibama, yu kuu Ana yu mungkan, Sibeon ye awo. Yumbed karub dana kuu Yeus yoom Yalam yoom Kora yoom kwamune wanabeen.
15 Keke Isau ye awoyambed korok korok keriwen.

  • Isau ye wonob dana Elifas ye karub dana kuu korok korok keriwen kuu Teman yoom Omar yoom Sefo yoom Kenas yoom
16 Kora yoom Gatam yoom Amalek yoom kwane. Keke yi kuu Elifas ye awoyambed Idom aom korok keriwendan. Yi kuu Ada ye awoya. 17 
  • Isau ye dana Reuel ye karub dana kuu korok korok keriwen kuu Nahat yoom Seera yoom Sama yoom Misa yoom kwane. Yi kuu Besmat yu awoya.
18 
  • Isau ye wonong Oholibama yu karub dana kuu korok korok keriwen kuu Yeus yoom Yalam yoom Kora yoom. Keke Isau ye wonong Oholibama, Ana yu mungkan yaambed korok korok keriwen.
19 Kukuu Isau ye karub dana, Idomdan yi korok korok.

20 
  • Keke Horman Sia ye karub dana, ambibkin kuyaom doriib kuu Lotan yoom Sobal yoom Sibeon yoom Ana yoom
21 Dison yoom Eser yoom Disan yoom kwane. Yi kuu Idom aom Hordan yi korok korok keriwen. 22 
  • Lotan ye karub dana kuu Hori yoom Homam yoom. Timna kuu Lotan ye yangkura.
23 
  • Sobal ye karub dana kuu Alvan yoom Manahat yoom Ebal yoom Seefo yoom Onam yoom kwane.
24 
  • Sibeon ye karub dana kuu Aia yoom Ana yoom kwane. Ana, yembed awodki Sibeon ye donki bene amiibban koknoon ye okad yaa benwonoone kereek aniiwa kirubdem ok niminiib wedmoon.
25 
  • Ana ye dana mingki kuu Dison angkon ye wonong dana kuu Oholibama.
26 
  • Dison ye karub dana kuu Hemdan yoom Esban yoom Itran yoom Keran yoom kwane.
27 
  • Eser ye karub dana kuu Bilhan yoom Saavan yoom Akan yoom kwane.
28 
  • Disan ye karub dana kuu Us yoom Aran yoom.
29 
  • Keke Hordan yi korok korok, Lotan yoom Sobal yoom Sibeon yoom Ana yoom
30 Dison yoom Eser yoom Disan yoom kwane. Kukuu yi kuu yi amyenimbon yi korok korok Hordan Idom ambibkin aom doriib.

Idom Yi Korok Korok

31 Keke Idom aom king kere ooniwen yi weng. Israeldan kuu yaro korok kerindo yaron.

32 
  • Beor ye dana Bela kuu Idomdan yi king keroon. Ye taun yaningko kuu Dinhaba.
33 
  • Kwane bobnoone, Seera ye mingki Yobab, Bosra taun ye karub kumbed king keroon.
34 
  • Kwane bobnoone, Husam, Teman ambibkin ye karubbed king keroon.
35 
  • Kwane bobnoone, Bedad ye mingki Hadadbed king keroon. Ye kuu Moab ambibkin kambong Midiandan yaa nangmene burudandoon. Ye taun yaningko kuu Avit.
36 
  • Kwane bobnoone, Samla, Masreka ye karub kumbed king keroon.
37 
  • Kwane bobnoone, Saulbed king keroon. Ye kuu ok Yufretes kung ari ye taun Rehobot ye karub.
38 
  • Kwane bobnoone, Akbor ye mingki Baal-Hananbed king keroon.
39 
  • Kwane bobnoone, Hadadbed king keroon. Ye taun yaningko kuu Pau, ye wonong yu aningko kuu Mehetabel. Yu kuu Matred yu mungkan, Me-Sahab yu awo.
40 
  • Keke Isau ye awoyambed yaro korok korok keriwen yi amyenimbon ambogawiib yi aningko kuu Timna yoom Alva yoom Yetet yoom
41 Oholibama yoom Ela yoom Pinon yoom 42 Kenas yoom Teman yoom Mibsar yoom 43 Magdiel yoom Iram yoom kwane. Kukuu Idomdan yi amyenimbon yi korok korok kerenib yi wenebe yi bidambib maa maa kuyaom doberenib yi kambong maa maa nariwen. Idomdan yi awodki kuu Isau.|U
Copyright information for `YON