Psalms 120

Yook 120

Daane kawini ye yook.

Ne yaa dabab monoon kumbed Yariman yaa baandaane,
yembed inanduwoon.
O Yariman, dudanabi mongkodkonoiib birandi ongiib yaa kuu
ne nen burudande angka kowe.
O birandi ye karub, eb yaa kuu Godbed komo kamebdaneen?
Angkon eb yaa kuu ariyiib komo kamebdaneen?
Yembed eb yaa kuu ana nangmi ye karub ye ana yidkangiibbed ukum kabdaneen,
kwane nimin darewoowiib ye amoyidkowiibbed kangkon ukum kabdaneen kii.
Ne kuu ambibkin Mesek aombed norod doriin kowe, mimyowiiwee!
Kedi, ne kuu Kedaadan yi ambib kombon kidangka dobaraan, kuu mimyowiiwee!
Yewenub keri kerekmen yaa odkeneb kamidan yoom kuu
aronki yemoon kai dobaraan.
Ne kuu iwari yewenub dobiri ye karub,
kumban yewenubmo doberem andimain kuu yimbed ana nangmem andimaib.
Copyright information for `YON