Psalms 125

Yook 125

Daane kawini ye yook.

Kane kane yi kuu Yariman yaa angkumone doriib kuu,
aangko Saiyon areb keriwen, kiringmindeban ye aangko kui, kwane aron korem angkimbaranuun.
Aangko aangkombed Yerusalem kanawanewandiwen areb kwamune kuu,
 Yarimanbed ye nimakarub kuu ben awanewandundoon,
kibikbed kwane wene aron korem korem yeman kii.
Kedi, yorokmodan yaa kondoon ye okad kuu
arewa kamenabidanbed oonimaib kuu ben kiradmaneen.
Mok arewa kamenabidanbed kwane oonaniib kuu
yorokmodan kuu yi yorokmo kerekmen yaa kuu koronde arewa kamaniib manok.
O Yariman, amun kamenabidan yaa kuu amun amun kamende.
Kwane kangdommo doriibdan yaa kangkon amun amun kamende.
Kumban kane kane yi kuu kimyen wene inamen unitab awinimaib kuu
 Yarimanbed kuye arewa kamenabidan kuu ben kiradmaneen.
Israel aom kuu iwari yewenuwiib kerok.
Copyright information for `YON