Psalms 126

Yook 126

Daane kawini ye yook.

Nub kuu bondanbed benwiniwen kumbed Yarimanbed ikakman Saiyon yaa benmonoon kuu,
nub kuu kiyuum wanabemoon areb kamuwen.
Kedi, nub mongkod aom kuu ambonbed diiroon,
kwane nub ong ari kuu kubi yookmo wingkanabuwen.
Kwane ambibkin yenadanbed dakmiwen,
 Yarimanbed yi yaa kuu kamenabi miin dareb dareb ambangkanaboon kii.” andiwen.
Ee, Yarimanbed nub yaa kuu kamenabi miin dareb dareb ambangkanaboon kowe,
nub kuu kubimo keruwen kii.
O Yariman, nub karubkim bondanbed benwiniwendan yena kangkon benmene.
Amiibban ye amboon kiri am menenu ok kirodmo wenebimaun areb yi kuu benmenebko kirodmo menebime.
Kaneya yi kuu kab kibenib inok wandaniib kuu,
yi kuu kube baandenib id wandaniib.
Kane ye kuu kibingki dowad yob benwenene inok wandimaan kuu,
ye kuu kube baandene id wande andedme ben minimaan keraneen.
Copyright information for `YON