Psalms 128

Yook 128

Daane kawini ye yook.

 Yariman yaa unimaibdan korem kuu amun kerundoon,
ye kiwaan ari weniibdan kui.
Yiib kuu deme awiniwen ye id kuu yiibka ananiib,
kwane yiib kuu amun kerundaneene yiminmo dobaraniib.
Eb wonong kuu wain nong areb id yemoon irimaun,
eb ambiwoom kuu.
Kwane eb dana meed kuu olif maad areb yemoonmo kainaniib,
eb arakbon kebed yaa kuu.
Kedi, Yariman yaa unimaan ye karub kuu
kwamunemo amun kerunaneen.
 Yariman kuu Saiyon angkambed amun kerubdok.
Eb wad dobaraneeb ye aronki korem kuu
wedmebko Yerusalemdan yiminmo dobiriyiib kerok.
Anamaa, eb dana meed yi dana meed wedmaneeb kuu anam id kerok.
Israel aom kuu iwari yewenuwiib kerok.
Copyright information for `YON