Psalms 137

Yook 137

Babilon ye ok kebed yaambed nub kuu diberenub,
Saiyon dowad ika meenmende inok wanabimamuwen.
Kuyaambed at aningko wilo bokon bokon ari kuu
nub haap ben kinamburuwen,
amborom kuu nub awingke biwendanbed yook wingkime ande yedmendiwen,
nub yaa durud yewed kondiwendanbed kubi yook wingkime ande nangkande yedmiwen kui,
“Saiyon yu yook mimo nub yaa wingke kondime.” ande yedmiwen kui.
Kumban komarewa kere nub kuu ogood ambibkin angkambed doruub kumbed
 Yariman ye yook kuu wingkanabanuub?
O Yerusalem, kub nonondande korondaniin kuu
ne dingki wiwimbed haap wangki kerekmen kuu nonondandoko,
ne ong kuu koraab yaa daboknok.
Kub nonondande korondaniin kuu kwamunemo kerok.
Yerusalem yaa kubi darewoob keraan, yena arebban,
kumban kuye kubi kankubunaniin kuu kwamunemo kerok.
O Yariman, Yerusalem monmariwen yaron ari
Idomdanbed komo kamiwen kuu ika meene.
Yimbed baande yedmiwen, “Yerusalem monmarime.
Kumundinmo monmaribko ambukirimo kerok!” andiwen kui.
Babilondan, yiib kuu monmari dowad kinoon,
yiibbed nub yaa arewa kamenabiwen kuyaa kuu
karub kanembed ibmo inandundaneen kuu amun kerunaneen.
Kanembed yiib dana monob ben bot ari wowe monmaraneen kuu
ye yaa kuu amun kerunaneen.
Copyright information for `YON