Psalms 15

Yook 15

Dewid ye yook.

O Yariman, eb kurikuri ambib aom aomni kuu kane kuu yimin?
Ewaangko karadmo ari dobiri kuu kane kuu yimin?
Kuye karub kuu ambarakmoon ande kadwoniyiibban,
kwane ye kuu yorokmo yaambed ambangkene,
ye niindem aom kuu anammo kumbed anammo dakmimaan.
Kwane ye kuu wengamborokbandimokban,
ye kuu ye dia doriibdan yaa ma ambarakmendimokban,
kwane ye angkodmi yaa kobkob daanubdaanab kamimokban.
Kwane ye kuu arewa kamimaibdan yaa kuu odkeneb kerimaan,
kumban kane kane Yariman yaa uniwendan kuu yi aningko kankoonimaan.
Kwane ye amob ongmoon kuu no awinaneen,
kuye amob awinaneen kumbed dabab menebaneen kuned.
Ye kuu od bangkandekore ika ari iniyiib yedme kandaanban,
kwane ye kuu arewa kamidan yi od yemyeb kandene ambarakmindoman yaa ambarakmoon ande yedmaanban.
Kane ye kuu keamune kamaneen kuu
kiringmaanban kangdommo keraneen.
Copyright information for `YON