Psalms 16

Yook 16

Dewid yemiktam ye yook.

O God, ne nen dorondande,
amborom kuu ebbed kukbimaabbon aombed dobirimain kowe.
Nembed Yariman yaa yedmaan, “Eb kuu ne Yariman,
kumkam amun ne yaa dangoon kuu eb yaambedmo.” andaan.
Karadmodan okad kiri doriib kuu
nambiri manimanandewiib,
ne kubi dowaken korem kuu yi yaa angkeen.
Kane kane god yena yaa winimaib yi mimyob wandi kuu
maa ariyiib kan dabokne wananeen.
Yi god yaa dingkan aye nengke baeb kone umkan onduknimaib kuu wene daboknainban,
kwane yi god yi aningko kankoonainban.
 Yariman, ne dobiriyiib yumboniib kuu ebbed ongmewen.
Ari ne komo keraniin kangkon ebbed ooneeb.
Okad yimin yaa nariwen kuu ne dowaken yaambed ongmiwen.
Anam kuu nokad kawewen kuu kubimo yeman.
Ne kuu Yariman yaa kubaniin, yembed kedmengkawimaan kowe,
kwane amnoom kangkon ne inamen meeni ye kiwaan kumbed inamen amun korokbewimaan.
Ne kuu Yariman kuu barang darewoob ande meenimain.
Ye kuu ne dingki wiwi angka doreen kowe,
ne kuu kiringmaanban kangdommo keraniin.
Kwane kowe, ne mimyob kuu kubeena ne ong kangkon kubeen.
Ne id kangkon uniyiibban dobaraneen.
10 Amborom kuu ebbed ne kuu bobkonombon yiri aron korem domowawe deendainban,
kwane korondaawe eb Karadmoman kuu bobne deendaanban.
11 Ebbed wadkeri ye kiwaan kuu korokbewewen.
Kwane eb arinambo arimbed ne yaa kubi kawaneeb,
aron korem ye kubiyiib eb dingki wiwi angkambed kui.
Copyright information for `YON