Psalms 19

Yook 19

Yook ambo bi ye karub yeman. Dewid ye yook.

Ambidiib mindong yi dangimboniib kuu God ye nambiri dianmo korokbimaib,
kwane yi kuu ye dingkimbed ongmenaboon yaa kuu korobe dakmimaib.
Aronki mimim kuu kwane dakmembirimaib,
amnoom mimim kangkon kaadkeri ye kerekmen ye weng kwane dakmembirimaib.
Kukuu dakmiyiibban, kwane wengiibban,
kwane yi weng yuud kuu maambed wengambirimokban.
Kuned yi weng yuk kuu bid yimin yimin yaa angkane wenebimaan,
yi weng kangkon bid yimin yimin yaa wenebimaan.
Ambid aom kuu yembed aron ye yumbon ongme kowoon.

Aron yeedirimaun kuu karub wonong mokaid awanande ye angkimbon aombed angkaderemoon areb kui.
Yu kuu kabani yaa burudandunindeban ye karubbed kubene kabanimaan areb.
Kwane yu kuu ambid dungkun angkarambed daadere
dokbe angkara kubunimaun.
Yu nambiri yaa kuu barang maa ma biknimokban.
 Yariman ye amob kuu demkoronmo,
kingkin yaa aromkono yeeb konimaan.
 Yarimanbed komo kamoon ye weng kuu anam anammo,
mengmengiibban iwari doriibdan ben meeni kangdomdan kerundimaan.
 Yariman ye kongamki yamob kuu yorokmo,
niindem aom kubi kondimaan.
 Yarimanbed kwanime andi ye weng kuu karadmo,
kiwaan amunmo korokbimaan.
 Yariman yaa une bumangki kuu amun,
kuye inamen kuu aron korem angkimbaraneen.
 Yariman ye wengyundi kuu yiminmo,
yi korem kuu yorokmo.
10 Ye amob yaa kuu bobne kombiri yeman, bod gold arebban,
bod gold yankorenmo yemoon yaa kangkon burudandiwen.
Ye amob kuu ambod miin amuniib, in ok ambod arebban,
in ok ambodmo yaa burudandiwen.
11 Yi yaambed eb demedan kuu ongkandoon,
kwane ye amob be amuknaniib kuu kakman amun darewoob kandaniib.
12 Kanembed yeka ye ambarakmi kuu wedmenaneen? Dowan.
Nekaadkerunindo ye ambarakmi kuu ebbed are nonondande.
13 Eb deme karub nembed kwane inamen ongme ambarakmaniin andaka ebbed kebenewe.
Korondaawe kuye ambarakmi kuu ne yaa oonewaan.
Kwananeeb kuu karub maambed ne yaa ambarakmoon ande kadwoniyiibban keraniin,
kwane ebbed wengyunde miin wabkad kerewen andaabban.
14 Kwane, eb indob ari kuu ne mongkodkonombed weng dakmeni ne niindem aombed meenako eb kubi dowaken kerok,
o Yariman, ne aromkonombon, kwane ne biddi ye karub.
Copyright information for `YON