Psalms 23

Yook 23

Dewid ye yook.

 Yariman kuu ne nen dorondare oonimaan ye karub kowe,
ne yaa komo dowan keroon kuu yembed nekwawimaan.
Yembed ne nen animan yewudmombon aom kowaana yiidkimain,
kwane yembed yewenub ye ok dewenebuun kebed yaa ne nen kinban winimaan.
Yembed ne kingkin nen ikakman aromnimaan,
kwane yorokmo ye kiwaan arimo ne nen kinban winimaan,
ye aningko kankooni dowad.
Kumun doromod bobnin aom wananiin kangkon,
eb kuu ne yoom kowe,
arewa yaa ma unainban.
Eb kungkangiib arud ye barang yaambed dorondandi yemaniib kuu,
awawimaib kowe kubimain.
Eb kuu ne bondan yi kerebiri arimbed
ne dowad orok ongmimaab.
Ne nen kine ne korok ari kuu oiyo bunewen,
kwane ne dobiri yaa kuu yiminmo bangkawimaab.
Anam kuu eb amun amuniib womoniyiibban ye mimyob dowakeniib kuu
ne wad dobiri aom kwane aron korem angkimbaraneen.
b Kwane, ne kuu Yariman yambiwoom kwane doberembaraniin, aron korem.
Copyright information for `YON