Psalms 29

Yook 29

Dewid ye yook.

 Yariman yaningko kankoonime, o engyus yiib kui,
 Yariman yaningko kankoonime, ye kuu nambiriyiib aromkonoyiib kowe.
 Yariman yaningko kankoonime, ye kamenabi kuu nambiriyiib kowe.
 Yariman yaa kurikuri kamime, ye karadmo doreen kuu nambiriyiib kowe.
 Yariman ye weng yuud kuu ok korem yi animarimbed dewenebimaan.
Nambiri ye God kuu nambad kamimaan.
 Yarimanbed ok miin darewoob animari nambad kamimaan.
 Yariman ye weng yuud kuu aromkonoyiib,
 Yariman ye weng yuud kuu manimanandeb.
 Yariman ye weng yuud kuu at sidaa baangkimaan,
anamaa, Yarimanbed Lebanon ye at sidaa domabangkaana kurubkurub kerimaan.
Yembed Lebanon ye aangko aangko kuu ongmaana buromakau mana areb korongberenandimaib,
kwane aangko Heemon kwangkon ongmaana oksen kiib ingkod areb korongberenandimaan.
 Yariman ye weng yuud kuu imakiib baandimaan.
 Yariman ye weng yuud kuu amboon kan kiringmimaan,
kwane Yarimanbed amboon Kades kwangkon kan kiringmimaan.
 Yariman ye weng yuud kuu at ook ben awumbe nidmingkene,
dura kwangkon bongme obonmo kerimaan.
Kwane, ye kurikuri ambiwoom kuu kumaom doriibdan korembed “Ye yaa nambiriyiib kerok” ande baandimaib.
10  Yariman kuu niindem yiri ye ok korem yaa korok kere oonimaan.
 Yariman kuu king kere oonimaan, aron korem.
11  Yarimanbed ye karuwa nimaya yaa aromkono kondimaan,
kwane Yarimanbed yi kuu yewenuwiibbed amun amun kerundimaan.
Copyright information for `YON