Psalms 3

Yook 3

Dewid ye yook. Ye dana Absalom yaambed kombiri wonoon yaron aombed wongkoon.

O Yariman, ne bondan kuu yemoon!
Ne yaa manmo keriwendan kuu yemoon!
Nimakarub yemoon kuu ne dowad kamune yedmimaib,
“Ye kuu Godbed arudbon aom kuu nenyeedaraanban.” andimaib.Selah

O Yariman, eb kuu kwamunemban, ebbed ne kombe areb kerimaab,
ebbed ne yaa nambiri kaweneb arudkono kangdom kawimaab.
 Yariman yaa awawe ande baandaina,
yembed ye aangko karadmo arimbed inanduwimaan.Selah
Amnoon doboob kuu ne kuu yiri angkimbaraina waraana yaro dembimain,
amborom kuu Yarimanbed awawaane yiminmo dobirimain kowe.
Ne yaa bon kere kanawanewande kebeniwendan tausen yemooniib kuyaa kuu
ne unainban.
O Yariman, ne God, yeedere mene ne nen burudanduwe!
Ne bondan korem kuu yi mongodkono aangkeneb,
arewadan ne yaa manmo keriwen kuu yi ningkambo domangke.
Arudbon yaa burudande nenmini ye karub kuu Yariman, yembedmo.
Kowe, eb karuwa nimaya yaa amun amun kerunde.Selah
Copyright information for `YON