Psalms 43

Yook 43

O God, ne dowad ebbed wengyundeneb ma ambarakmindo ande.
Kwane ne kangdod weng koromoneneb God ye kiwaan yikaadbandan yaa kebende.
Kwane birande arewa kamenabidan yaa kuu ne nen burudande angka kowe.
Eb kuu God ne dore angkumonimbon kowe,
komande ne yaa wunekarewen?
Komande ne bondanbed yobdood keruwaiwe
ne kuu kwane yuudi ameng kamembirimain?
Eb nambiriyiib anam anamiib kuu ben yure kowe.
Korondebko yimbed ne nen kinban winime.
Korondebko yimbed ne nen eb aangko karadmo ari winime,
eb dobirimbon yaa kui.
Kwananeen kuu ne kuu God ye bot wuubimbon yaa wananiin,
Godiib yaa kui, ye kuu ne kubi ye ambokab kui.
Ne kuu haap wangkeni ewaningko kankoonaniin,
o God ne God.
O ne kingkin, eb komande yerene no kubokban kerewen?
Komande ne niindem aom monmareeb?
Kedi, God yaningko kankoonaniin kowe, yembed ari kwananeen ande meene.
Ye kuu neyiib yaa doberene awawimaan ye karub, ye kuu ne God.
Copyright information for `YON