Psalms 50

Yook 50

Asaf ye yook.

Aromkonomo Ye God, Yariman kui, yembed dakmene okaddan yaa minime ande baandimaan,
aron daminimaunbed wene aron kubunimaun korem yaa kui.
Aangko Saiyon, yu manimanandeb kuu demkoronmo kui,
yu yaambed God kuu yure kowimaan.
Nub God kibireb meneen kii, ye kuu iwari dobaraanban,
kwane ye meneen ye kiwaan ari kuu amotbed denobenmo meneen,
kwane nuuwa amayiib bare kanmene ye kuu kanawanewandeen.
Yembed Ewen ariyiib okad yiriyiib yaa mene wedmime ande baandoon,
ye nimakarub ben wengyundi dowad.
Kwane yedmoon, “Ne kiwaan ari doriibdan kuu ne yaa ben minime.
Kane kanembed dingkan aye nengke ne yaa baeb konenib amob weng ongmiwendan kui.” andoon.
Kwane Ewen kuu ye yorokmo kerekmen kan dakme baandimaun,
amborom kuu God yekareb kangdod kerundi ye karub keroon kowe.Selah
Kwane yedmoon, “O ne nimakarub, wengambiriiwa kekane dakma.
O Israeldan, yiib kui, yiib yaa manmo kereni kangdod weng dakma.
God ne kei, ne kuu yiib God kii.
Yiibbed womoniyiibban dingkan aye nengke baeb konenib dingkan yena ben kumundin nengke denobe dowan kerimaib kuned,
kuyaa kuu ne kuu ongkandi wengiib kerindo.
Yiibbed yiib buromakau ambi kuuk aombed kawi kuyaa ma meenindo, yiminmo doriin kowe.
Yiibbed yiib naningkod ambi kuuk aombed bangkawi kangkon kuyaa ma meenindo,
10 amborom kuu dura ye dingkan korem kuu nemanmo,
buromakau yemoon kai koodbon tauseniib arimbed doriib kangkon neman.
11 Aangko aangko ari ayari on korem kuu nekaad,
kwane dabonmo ye okad ye dingkan kuu nemanmo.
12 Ne kuu mungiyiib keraan karen, yiib yaa ma kaamonindo karen,
amborom kuu okad kumundiniib kumkam korem dangooniib kuu nemanmo.
13 Buromakau yom animainoo? Dowan.
Naningkod yi umkan animainoo? Dowan kii!
14 Ne yaa eso andi dowad munob bangkawi yeman bangkawime.
Korem Burudandoon Arimbed Ye God, ne dowad yiibbed kwane kamanuub ande amob weng ongmiwen kuu kwane kamime.
15 Dabab aron aom kuu ne yaa baandime.
Kwananiib kuu nembed yiib ben burudande angka nongkobaniine ne aningko kankoonaniib.” andoon.
16 Kumban arewa kamidan yaa kuu Godbed kamune yedmoon,
“Yiibbed ne amob ben yena yaa daandaniib kuu yimin dee? Dowan!
Kwane ne amob weng kuu yiib mongkodkonombed dakmaniib kuu yimin dee? Dowan!
17 Kedi, nembed inamen arewa didangkimain kuyaa kuu yiibbed arud wandembirimaib,
kwane ne weng kuu yiibbed wunekare anuk korarimaib.
18 Yiib kuu yid bidan wedmaniib kuu karub amun andimaib,
kwane yiib kuu nenem kamidan yoom daboknimaib.
19 Yiib mongkodkono aombed inamen arewa menebimaan,
kwane yiibka yiib ong kuu birandi yeman kerundimaib.
20 Yiib kuu yiib ambanga oniya damana yaa manmo keri ye weng dakmimaib,
kwane eb ena anam yu dana meed yaa kuu wengamborokbanabimaib.
21 Yiib kuu kwamimaib kuned ne kuu iwari keraan.
Yiibbed meeniwen kuu God kuu nub areb ande meeniwen.
Kumban nembed yiib yaa ongkandeni,
yiib yoom kiring ine yiib dowad ambarakmiwen kii ande kangdod weng dakmaniin.
22 “Kane kane ne yaa naknod keriwen, yiib kuu weng ke yaa meenime.
Kwanaibban kuu nembed ben biringke kurubkurub kamaniin,
karub maa yiib ben ma dorondandaanban.
23 Kane kane ne yaa eso andi dowad munob bangkawimaan kuu ne aningko kankoonimaib,
kwane kane kane yorokmo dobiri ye kiwaan ari doriib kuu
nembed bobni yaa ben burudande bindaniin.” andoon.
Copyright information for `YON