Psalms 6

Yook 6

Yook ambo bi ye karub yeman. Nongbed wangki yemaniib.Seminit ye kiwaan wingki yeman. Dewid ye yook.

O Yariman, eb norin wande ne yaa dedmone daawaab,
eb arudbed ne arewa kami yaa didangkaab.
O Yariman, naromkono kuu dowan kowe, ne yaa mimyob keewe.
O Yariman, ne kono aom kuu banabeen kowe, ongmewe.
Kwane, ne kingkin kumundin kuu dabab keroon.
O Yariman, komo aron arimbed eb awawi kuu ne yaa mananeen?
O Yariman, ika mene ne nen bobni yaa kuu burudande obon keruwe.
Eb womoniyiibban ye mimyob dowaken kumbed burudande obon keruwe.
Dukniwendan kuu eb yaa meendobimokban, dowan.
Kane kanembed bobkonombon aom doriib kuu ewaningko kankoonimaib dee? Dowan!
Ne kuu warekembiri kumbed wuudne aromkonoyiibban keraan.
Amnoom doboob kuu ne angkimbon ari yuudaneni,
ne ambongkoni yeman kuu inokbed deendimaan.
Ne indob kuu inok wembiri kumbed yiminban keroon.
Nindob kuu ne bondanbed kwamiib kumbed wuudne kirobeen.
Yiib arewa ambangkidan korem, ne yaa angkanime,
amborom kuu Yarimanbed ne yuudi kuu wengamboroon kii.
 Yariman yaa mimyob keewe awawe ande baandaan kuu wengamboroon.
Ne kurikuri yaa kuu Yariman wengamberene ee yimin andoon.
10 Ne bondan korem kuu karak bobnenib yi niindem aom kuu dabab kerundaneen,
kwane yi kuu kudmeniibban wedyambed yidbobne koronde ika wananiib.
Copyright information for `YON