Psalms 60

Yook 60

Yook ambo bi ye karub yeman. “Amob Weng Ye Bingko Wuung” ye yook ye kiwaan yaambed wingki yeman.Miktam ye yook Dewidbed wongkoon. Kedmengkandi yeman. Yembed Aramdan Naharaimiib Sobayiib yaambed miniwen yaa nangboona Yoab ikakman menene Karam Dabon kan kubuneen yiri Idomdan 12 tauseniib yenbandoona dukniwen kumbed wongkoon.

O God, eb kuu nub yaa wunekarundekoreb mene boketawarewen.
Kwane eb kuu nub yaa arud wandewen kumban, kibireb kee nuwiib yaa ikakman mene amun kerunde.
Ebbed okad kuu nan yobeewa domokbe nandeen.
Okad kuu nandeen kowe, ebbed okad bunge bangkanaboon kuu ongmebko amun keruk.
Eb nimakarub yaa kuu yobdood aron kondewen,
kwane ebbed wain okbed awarak ayemoon areb komborok komborok dodkanmo wini ye dabab nub yaa kondewen.
Kumban kane kane yi kuu eb yaa une bumangkimaib kuu “Neyiib yaa minime” andewen,
bondan yi ana yaambed kirokmoni ye dowad.Selah
Nub inandundeneb eb dingki wiwimbed nub ben burudande angka nongkobe.
Kwananeeb kuu eb mimyob dowaken keendimaabdan nub kuu dabab yaa koronde yewenubmo dobaranuub.
God kuu ye karadmombon aombed yedmoon,
“Nembed ne bondan burudande doreni, okad Sekem kuu ne nimakarub yaa numbere kondaniin,
kwane Sukot dabon yiri kwangkon nekwane kumunkingkaniin, numbere kondi dowad.
Gilead kuu neman, Manase kwangkon neman,
Efraim kuu ne topi kamkono,
Yuda kuu ne king yaromkono yobdoodmo ooni yeman.
Moab kuu ne dingki oki yeman ye kobukmo yabad.
Idom ari kuu ne yonkad koraraan.
Filistia ari kuu nembed burudande doraan kumbed komkaan.” andoon.
Kanembed ne nen siti bot kuukiib aom aomnaneen?
Kanembed ne nen ambibkin Idom aom wananeen?
10 O God, ebbedmo yimin. Eb komande nub wunekarundewen?
O God, eb komande nub ana nangmidan yoom wanaibban?
11 Nub bondan yaa nangmi dowad nub awande,
amborom kuu karub ye aromkono awandaniiwe nangmanuub kuu korem yiminban.
12 Nub kuu Godiib kumbed burudande doranuub,
kwane yembed nub bondan ari dorene ben kubunaneen.
Copyright information for `YON