Psalms 63

Yook 63

Dewid ye yook. Yuda amboon aom doboroon ye dowad wongkoon.

1O God, eb kuu ne God,
nindorokiibbed eb ande kerekberenmo yarimain,
kwane ne kingkin kuu ok moom bobnemoon areb kerimain,
kwane ne id kuu eb ande awawe andimaan,
koknenu wuudne yiminban ye okad aombed kui,
okiibban ye okad aombed eb ande kerekberenmo yarimain kui.
2Eb kurikuri ambib aombed wedmebdeni,
eb aromkonoyiib nambiriyiib wedmaan.
3Eb womoniyiibban ye mimyob dowaken kuu darewoob arimbed, kuyiibban kumbed nub kuu wad dobirindeban kowe,
ne mongkodkonombed ewaningko kankoonaniin.
4Ne wad dobaraniin ye aron korem kuu eb yaa amun kerubdimamaniin,
kwane ne dingki benkoobeni eb yaa kurikuri kamimamaniin.
5Ebbed animan ambod miin amun yeman bangkawaawe ane mikmonimain,
kwane wingkanabiyiibbed ewaningko kankoonimain.
6Ne angki arakbon arimbed eb yaa meenimain,
kwane miriknimaanbed wene aron dembe yurimaun kuu eb yaa kabakimain.
7Eb kuu ne awawimaab kowe,
eb dingki kurumbon aombed
63:7 Ibru wengbed yedmoon kuu “eb buraab ye kubun kurumbon aombed”.
kube wingkimain.
8Ne kuu eb yaa kine angkanaan,
kwane eb dingki wiwimbed awawaawe yiminmo dobirimain.
9Kane kanembed ne neene kowi ye kiwaan onmiib kuu ben monmarundaneen,
yi kuu ben bobkonombon yirimbed mangkaneen.
10Yi kuu kerewangbed yenbandaneene duknaniiwe,
dura anon yi animan keraniib.
11Kumban king kuu God yaambed kubaneen,
kwane kane kanembed God yaningko yaambed amob weng ongmaniib kuu yi korem kuu ye aningko kankoonaniib.
Kumban dudanabidan yi mongkodkono kuu kebenendaneen.
Copyright information for `YON