Psalms 66

Yook 66

Yook ambo bi ye karub yeman. Yook, God yaningko kankooni yook kui.

Okad yiridan korem, God yaa kubenib komkime!

Yaningko ye nambiri ye dowad wingkime,
yaningko kankoone nambiri konime!
God yaa yedmime, “Ebbed ambangkanabewen kuu yeka mamaa yoo!
Eb aromkono kuu miin darewoob kowe,
eb bondan kuu unebde ika anuk irinambenimaib.
Okad yiridan korem kuu eb yaa bumangkenib,
eb yaa kube wingkimaib,
ewaningko kankoone wingkimaib kui.” andime.Selah
Godbed komo kamoon kuu mene wedmime.
Nimakarub yi dowad yembed ambangkoon kuu yeka mamaa yoo!
Yembed karamok kuu yedmoone andokbe okad kamkonombon kereen,
kwane yine anuk kere ari kere keruuna yi kuu wedyirimbed yonka winiwen.
Kowe, yiib minibko ye yaa kubem.
Ye aromkonombed aron korem oonimaan,
kwane ye indob kuu ambibkin koremdan yaa keendombirimaan.
Kowe, wabkaddan kuu ye yaa bon keraib.Selah
O ambibkin koremdan, nub God yaningko kankoonem,
kwane yaningko kankooni ye kuweng derendaroko yemoon kuu wengambirime.
Yembed nub oonendoone wad doburuwen,
kwane yembed nub ongmendoone nub yon kuu kereeb beresare kombirindo.
10 O God, ebbed nub yaa komboon kaamobendewen,
kwane bot silvaa nengke yankorenmo kerok andemoon areb ebbed nub kuu darobendewen.
11 Ebbed nub kuu oon bi ye men aombed bemoon areb kerundewen,
kwane ebbed nub angkurom angka dabab nongkobewen.
12 Ebbed karub yedmeewa yi hoos arimbed nub korok ari dore beengkanmo dewiniwen,
kwane nub kuu amoyiib urokiib aom awune dewunuwen,
kumban ebbed nub kuu benmene yiminmo kerundewen.
13 Ne kuu dingkan nengke agedmo kere baeb koni yemaniib eb kurikuri ambib yaa benmeneni,
amob weng ongmaan kuu kwananiin.
14 Kukuu anukbed ne yaa dabab monoone,
ne mongkodkonombed dakme ongme kowaan yeman kui.
15 Nembed dingkan kowiib yeene nengke baeb eb yaa bangkabdaniin,
sibi ambiyiib buromakau ambiyiib naningkod ambiyiib munob bangkabdaniin.Selah
16 Kane kane God yaa bumangke unimaibdan, yiib kuu mene wengambirime.
Kwanibko yembed ne dowad komo kamoon kuu yiib yaa yedmenda.
17 Ne mongkodkonombed ye yaa baandaan,
kwane ne ongbed yaningko kankoonaan.
18 Ne niindem aom ambarakmi inamen yaa kube amuknaan kuu anam keraneen kuu,
Yariman kuu ne yaa wengamberewaanban.
19 Kumban anam kuu God kuu ne wengamberewoon,
kwane ne kurikuri ye yaa kuu wengamboroon.
20 God yaningko kankoonem,
ne kurikuri weng wunekarindo,
kwane ne yaa ye womoniyiibban ye mimyob dowaken keewoon kuu anwandindo kowe.
Copyright information for `YON