Psalms 76

Yook 76

Yook ambo bi ye karub yeman. Nongbed wangki yemaniib. Asaf ye yook. God yaningko kankooni ye yook.

1Yuda aom kuu God yikaadkeriwen,
kwane Israel aom kuu ye aningko kuu darewoob arimbed kii.
2Ye kombon ambib kuu Salem aom,
kwane ye dobirimbon kuu aangko Saiyon ari.
3Kuyaambed bondan yi ana yumbuyiib kuu yembed domangkoon,
yi kombeyiib kerewangiib ana nangmi ye kumaniib kangkon domangkoon.Selah
4O God, eb nambiri kuu yeka mamaa kii,
eb nambiri kuu darewoob arimbed, aangko ari nedbiwen ye bondan yemoon arebban.
5Yi kanangkoddan kuu no yenbande nongkobeneb yi yiribman ben wenorewen,
kwane yi kuu yeenbon unuk dangemoon areb keriwen, ika wad yeedaraibban.
Yi ana nangmidan kumaom kuu
karub mim maa kwane ye dingki ma yiraanban.
6O Yekob ye God, eb ongkandi kumbed,
yi hoosiib seriotiib kuu yeenbon unuk dangemoon areb keriwen.
7Unebdi ye karub kuu ebbedmo.
Eb norin wandaneeb kuu kanembed koromone eb kiringkono ari dobaraneen? Dowan!
8Ewen arimbed kangdod weng dakmewen kumbed,
okad kiridan korem kuu eb konob une iwari keriwen.
9O God, kukuu dabab wayiroondan arudbon yaa burudande bindi dowad
ebbed yaro dore wengyundandewen yaron arimbed kwanoon.Selah
10Kedi, eb bondan yi norin eb yaa wandimaib kuu idiibban kerimaan kowe eb yirin kuu darewoob arimbed kerimaan.
Kwane kuye norin dungkun kuu kan amonombe king ye korok ari dereni yeman areb ongmeneb derenimaab.
11Yiib Yariman God yaa wiim aangki weng ongmime, kwamunemo ambangkime.
Ambibkin dia dia mimim koremdan kuu
mim ye yaamo uni yemanman yaa munob koni yeman bangkanime.
12Yembed nimakarub yi korokdan kuu ben kubunimaan,
kwane okad yiri ye kingdan kuu ye yaa unenimaib.
Copyright information for `YON