Psalms 8

Yook 8

Yook ambo bi ye karub yeman.Gitit ye kiwaan wingki yeman. Dewid ye yook.

O Yariman, nub Yariman,
ewaningko kuu nambiri manimanandewiib, okad kiri ye kumkam korem burudande arimbed keroon kii!
Eb nambiri kuu Ewen burudande arimbed kowewen.
Ebbed nekwaawe dana monowiib dana danayiib ewaningko kankooni ye yook wingkimaib,
amborom kuu eb kuu bondaniib kowe,
eb bondaniib kakman konde yenbandidaniib kuu ebbed kebenendaneeb.
Ambidiib Eweniib kuu ebman, eb dingkimbed ongmenabewen,
kwane woodiib mindongiib kuu ebbed ongmenabe nongkobewen.
Kuyaa wedme meendobimain kumbed
kwane kaamonimain, “Nimakarub kuu kaneyakob eb kuu yi yaa meenmo doreeb?
Yi dana kuu kaneyakob eb kuu yi yaa oone doreeb?” andimain.
Engyus yi dobiri yaromkono kuu ari, nimakarub yi dobiri yaromkono arebban kuned,
nimakarub yiman kuu engyus yiman areb ebbed kowewen.
Kwane, eb kuu nimakarub yaa nambiriyiib dobiri manimanandewiib bangkandewen.
Yi kuu ebbed ben eb dingkimbed ongmenabewen ye kumkam oonidan ongmewen,
kwane kumkam korem ben yi dabderem yiri nongkobewen,
sibi koremiib buromakau koremiib dingkan kiiwiib
ayari oniib ok yiri ooniib karamok yiri dingkan koremiib kui.
O Yariman, nub Yariman,
ewaningko kuu nambiri manimanandewiib, okad kiri ye kumkam korem burudande arimbed keroon kii!
Copyright information for `YON