Psalms 81

Yook 81

Yook ambo bi ye karub yeman.Gitit ye kiwaan wingki yeman. Asaf ye yook.

Nub aromkono kondi ye God yaa kubi yook wingkem,
Yekob ye God yaa kubimbed baandime!
Yook andowe wingkime, tambarin wangkime,
kuweng amuniib ye laiyayiib haawiib wangkime.
Kwane wood yeeb naruka sibi durubbed kibi kuu baandime,
nub orokbon arimbed kumundin wood keruka kibi kangkon baandime,
amborom kuu Israeldan yaa kwanime ande yedme kowoon,
kukuu Yekob ye Godbed ye amob weng ongmoon.
Kuye amob ongmoon kuu Yosef ye awoya ari yaa ika meenime andi yeman,
Idyipdan yaa bon keroon yaron arimbed ongmoon kui.
Weng yuud ma nekaadban kumbed dawoon,
“Nembed yiib kandom ari dabab kuu ben kiradmaan kii,
kwane yiib dingki aom deme yobdood kuu nembed ben angka nongkobaan.
Yiib durud yewed wandi yaa kuu ne yaa baandiiwe yiib kuu ben angka nongkobaan.
Kwane nembed yiib yaa kuu amkuni ye wiib aombed inandaan,
kwane yiib kuu ok Meriba yaambed komboon kaamondaan.Selah
O ne nimakarub, wengambiribko ongkandi weng danda.
Kumban, o Israeldan, ne weng kuu wengambere awine kandaniib dee?
Yiib kuu norod ye god maa ye yoman yaa ma wanaib,
kwane oworan yi god maa yaa ma bumangkaib.
10  Yariman ne kei, nembedmo kuu yiib God,
yiib ben Idyip aombed angkadaraanman kuu ne kei.
Yiib mongkod daandibko nembed yiminmo bangkanda.
11 “Kumban ne nimakarub kuu ne yaa wengamberedandiwen,
Israeldan kuu ne weng awine kandindo kui.
12 Kowe nembed yi kuu yi niindem kamkono ye kerekmen kuyaambed kwane winime ande domondaan,
yi yaa kuu yiibka yiib inamenmo awinime ande domondaan kui.
13 “O, ne dowaken kuu ne nimakarub ne yaa wengambaraniib andid,
Israeldan ne yoman mananiib kuu ne dowaken darewoob kui.
14 Kwananiib kuu kirodmo yi bondan ben kubunaniin,
yi yaa manmo keriwendan yaa kuu ne dingkimbed kebenaniin kui.
15 Kane kane Yariman yaa arud wandembirimaib kuu ye yaa unene ika anuk irinambenaniib,
kwane ukum kandaniib kuu aron korem kwane angkimbaraneen.
16 Kumban, Israeldan, yiib yaa wiit yob amun yeman kuu bangkandembaraniin,
kwane dumnad yaa ye in ambodbed kondaniine yiib kuu ane mikmonaniib.” andoon.
Copyright information for `YON