Psalms 85

Yook 85

Yook ambo bi ye karub yeman. Korah ye karub dana meed yi yook. God yaningko kankooni ye yook.

O Yariman, eb bidambib yaa kubi dowaken darewoob keendewen,
kwane Yekob ye awoya ari kuu awande ongmendeewa amun yiminmo keriwen.
Eb nimakarub yi ambarakmi kuu are nonondandundewen,
yi ambarakmi kuu korem dabunewen kui.Selah
Yi yaa norin kowewen korem kuu deerewandewen,
kwane arud denobewen kuu korondewen.
O nub Bobni Yaa Burudande Bindi Ye God, nub ikakman ongmendebko amunmo doberem,
kwane nub yaa kongendewen kuu korondene.
Eb kuu nub yaa aron korem arud kowembaraneewoo?
Eb norin kuu nimakarub yaro dobere dobere yaro wananiib korem aom angkimbaraneenoo?
Eb nimakarub eb yaa kubi dowad kuu,
ebbed nub ikakman ongmendaneewe amunmo dobaranuuwoo? Anamaa.
O Yariman, eb womoniyiibban ye mimyob dowaken kuu nub yaa korokbende.
Kwane, nub kuu bobni yaa burudande binde.
 Yariman Godbed komo yedmaneen kuu wengambaraniin,
yembed yewenubmo dobaraniib andi ye weng kunduk yedme kowaneen, ye karuwa nimaya yaa, ye karadmo kerundoondan yaa kui.
Kwane, yi yaa kuu inameniibban ye dobiri yaa ika wanaib ande kebenendaneen.
Anam kuu kane kane ye yaa une bumangkimaib kuu yembed bobni yaa burudande bindi dowad yaro nekwoon.
Kwananeen kuu ye nambiri kuu nub okad kwari angkimbaraneen.
10 Womoniyibban ye mimyob dowakeniib ma korondaanban awinaneen andiyiib kuu dabokniwen,
yorokmo dobiriyiib yewenubmo dobiriyiib kangkon dabokniwen.
11 Nimakarub yi ma korondiyiibban ye weng awinimaib ye kerekmen kuu okad yirimbed daanaane,
God ye yorokmo dobiri kerekmen kuu Ewen arimbed kan kiri kowe kereknimaan.
12 Anamaa, komo komo amun kuu Yarimanbed bangkandaneene,
nub okad yiri kuu animan kab yeere id yemoon keraneene wandanuub.
13 Yorokmo dobiri ye kerekmen kuu king meneen ande baandi ye karub areb God ye arinambo ari wenene,
ye dodkanmo mini ye kiwaan nekwimaan.
Copyright information for `YON