Psalms 86

Yook 86

Dewid ye kurikuri weng.

1O Yariman, wengamberewe inanduwe,
amborom kuu ne kuu dabab wayiroone awawime ande kamimain kowe.
2Ne wadkeri kuu oone, amborom kuu eb dowad yaamo doriin kowe.
O ne God, eb deme karub ne kei,
ne eb yaa angkomone doriin kowe ne nen dorondare.
3O Yariman, ne yaa mimyob keewe,
amborom kuu aronki doboob kuu eb yaa baandimain kowe.
4Eb deme karub ne yaa kuu kubi kanmene,
amborom kuu, o Yariman, eb yaa kuu
ne wadkeri kankoonimain kowe.
5O Yariman, eb kuu amunmoman kuda, eb kuu ambarakmi are nonondandi ye karub,
kwane kane kane eb yaa baandimaibdan kuu womoniyiibban ye mimyob dowaken yiminmo keendimaab.
6O Yariman, ne kurikuri kee wengambere.
Mimyob keewe ande baandaan yaa kuu wengambere inande.
7Ne dabab kandi yaron ari kuu eb yaa baandaniin,
amborom kuu inanduwaneeb kowe.
8O Yariman, goddan kuyaom kuu ma kanembed eb arewiibban, ebbedmo ari.
Kwane, eb kamenabi yaa kuu kumun kinindeban.
9O Yariman, ambibkin koremdan kuu ebbed ongmenabewen kowe,
mene eb arinambo ari ewaningko kankoonaniib,
kwane yi kuu ewaningko yaa nambiri kankowaniib.
10Amborom kuu eb kuu darewoob arimbed, ebbed miin amun yeka mamaa kamenabimaab kowe.
Ebbedmo kuu God.
11O Yariman, eb kara kedmengkawe.
Kwananeeb kuu ne kuu eb anam anam yaambed dobaraniin.
Ne niindem aom andokbiyiibban ye inamen kawe.
Kwananeeb kuu ne kuu ewaningko yaa une bumangkaniin.
12O ne Yariman God, ne niindem aom kumundin kumbed eb yaa kubaniin,
kwane ewaningko yaa kuu aron korem nambiri kankowaniin.
13Amborom kuu eb womoniyiibban ye mimyob dowaken ne yaa minimaan kuu miin darewoob kii,
kwane ebbed ne kuu bobkonombon kongdem yirimbed nen angka kowewen.
14O God, nubbedmo yimin andidanbed nandamiib kii,
yi kuu yeremboromdan kumbed ne neene kowande onmiib,
yi kuu eb yaa meenimokbandan kui.
15Kumban, o Yariman, eb kuu mimyob keene kakman are nonondandi ye God, eb kuu kabamoon kondoon ye mimyob dowaken keendi ye God,
eb kuu kirod arud wandi ye karubban, eb kuu womoniyiibban ye mimyob dowakeniib ma korondiyiibban no awinembiriyiib yiminmo ye karub kui.
16Ne yaa amonombeneb mimyob keewe kakman are nonondande.
Eb deme karub ne yaa kuu eb aromkono kawe.
Kwane, eb deme wonong yu karub dana ne kuu bobni yaa burudande nende.
17Ne yaa amun amun kamimaab ye dud kuu korokbewe.
Kwanebko ne bondan kuu wedmekorib karak bobnime.
O Yariman, ebbed awaweneb ne mimyob wandaan kuu kankubunewen kuda.
Copyright information for `YON