Psalms 87

Yook 87

Korah ye karub dana meedbed wongkiwen. Yook, God yaningko kankooni ye yook kui.

Ye siti yenboon ye ambokab kuu aangko aangko karadmo arimbed kii.

 Yariman kuu Saiyon ye siti ye kuuk ambongkombon korem yaa mimyob dowaken kowimaan,
Yekob ye awoya ari korem yi ambib yaa arebban.
O God ye siti, kub dowad
weng amun manimanandewiib dakmimaib.Selah
“Idyipdan
87:4 Hibru wengbed wongkiwen kuu “Rehab”, kukuu Idyip ye weng id angkara andi yeman.
yoom Babilondan yoom kuu ne yaa anam andaniib kowe,
ne karuwa nimaya andaniin.
Filistiadaniib Taiyadaniib Kusdaniib kangkon
‘Yi kambong anam kuu Saiyon.’ ande yedmaniin.” ande yedmoon.
Anamaa, Saiyon yu dowad kwamune yedmaniib, “Nimakarub keyiiwa yakuyiib kuu yu aombed wooniwen,
kwane Korem Burudandoon Arimbed ye God kuu yekareb kumbed yu yaa yumbon kondaneene doberembaranuun.” andaniib.
 Yarimanbed kwane nimakarub korem yi aningko wongkaneen ye buk aom kuu,
“Ye kee Saiyon aombed wooneen.” ande wongkaneen.Selah
Yi kuu kube andenabe yook wingkane
“Nub yaa amun kerundi korem kuu eb yaambed meneboon.” ande kamaniib.
Copyright information for `YON