Psalms 99

Yook 99

 Yariman kuu oone doreen kowe,
ambibkin mimimdan kuu une kiringmime.
Ye kuu engyus burawiib yi kidangkambed king ye dibere oonimbon ari dibeen kowe,
okad kuu kiringmuk.
Saiyon aom kuu Yariman yaningko kuu darewoob arimbed,
kwane ye kuu darewoob arimbed, ambibkin korem arebban.
Yi kuu ye aningko darewoob arimbed manimanandewiib kankoonime,
ye kuu karadmo kowe.
King kuu aromkonoman, ye kuu anammo wengyundi yaa dowaken darewoob kerunoon.
O King, ebbed konomdangmo ye kerekmen ongmewen,
Yekob ye awoya ari kuyaom kuu
anammo wengyundeneb yorokmo kamenabewen.
 Yariman nub God ye aningko kankoonime,
ye yon kiriboon yirimbed ye yaa bumangke yaningko kankoonime,
ye kuu karadmo kowe.
Moses yoom Eeron yoom kuu God dore Yuudan dore wedyiri dobiridan kuyaom kuu yiyiib.
Samuel yangkon God yaa baandimaibdan kuyaom kuu yeyiib.
Yi kuu Yariman yaa baandiiwe
yi yaa inandundoon.
Yembed wiib dodkono areb doreen aombed yi yaa daandoon,
kwane yembed komo kamoon ye wengiib amob weng ongmooniib kuu
kondoone awine ooniwen.
O Yariman nub God,
ebbed yi yaa inandundewen.
Eb kuu Israeldan yi arewa kamenabi yaa ukum kowimaab kuned,
eb kuu yi ambarakmi are nonondandi ye God.
 Yariman nub God yaningko kankoonenib
ye aangko karadmo arimbed ye yaa bumangke yaningko kankoonime,
amborom kuu Yariman nub God kuu karadmo kowe.
Copyright information for `YON