John 14

Yesu uŋun Daron kɨgɨk dakon kosit

Yesu da saŋbeŋek yaŋ yagɨt, “Ji butji dɨma jɨk toni. Egɨp egɨpji Piŋkopmon tosok yaŋsi nandani, ae egɨp egɨpji nagon tosok yaŋsi nandaŋ namni. Datno da yutnon yut burɨ morapmɨsi toŋ. Yaŋ dɨma kaŋ, gen uŋun arɨpmɨ dɨma dayɨkom. a Nak kɨŋ ji dakon tamo paŋnoman aŋek, aeno tobɨl abɨŋ ji tɨmɨkgo paŋkɨ nak gat egɨpneŋ. Nak da kokup kɨkdɨsat dakon kosit uŋun dɨsi nandaŋ.”

Yaŋban Tomas da yaŋ iyɨgɨt, “Amɨn Tagɨ, gak dukon kɨkdɨsal, nin dɨma nandamaŋ. Do niaŋon da kosit uŋun koneŋ?”

b  Yaŋban Yesu da yaŋ yoyɨgɨt, “Nak naga kosit, ae gen bamɨ, ae egɨp egɨp. Daron kɨgɨk kosit ŋwakŋwarɨ kɨnda dɨmasi tosok. Nak kaloŋgɨn. c  Nak do pakyaŋsi nandaŋ nameŋ tam, Datnoyo kɨsi tagɨ nandaŋ ɨbam. Abɨsok da wasaŋek uŋun nandaŋ ɨmɨŋek kɨlɨ uŋun koŋ.”

Yaŋ yaŋban Pilip da Yesu yaŋ iyɨgɨt, “Amɨn Tagɨ, gak da Dat nolɨŋbɨ nin dakon but mudaŋban.”

d  Yaŋban Yesu da iyɨgɨt, “Pilip, nak bɨsap dubagɨ ji gat egɨpgumaŋ, mani nak dɨma nandaŋ namɨsal, ma? Amɨn kɨnda nak nandɨsak uŋun Dat naŋ kosok. Gak niaŋon da Dat nolɨŋbɨ kono yaŋ yosol? 10  e  Bo Dat nagon egakwan nak Daron egɨsat uŋun nandabɨ bamɨ dɨma ak? Nak gen dayɨt uŋun naga da nandak nandagon da dɨma dayɨt. Dat nagon egɨsak uŋun da pini asak. 11  f  Nak Daron egapbo Dat nagon egɨsak yaŋ dayɨsat uŋun nandaba bamɨ asak. Mani geno do nandaba bamɨ dɨma asak kaŋ, wasok tapmɨmɨ toŋ morap agɨm uŋun da mibɨlno tagɨ dolɨsak.

12  g  “Asisi dayɨsat, nak nandaŋ gadaŋ namjak amɨn da nak da pi asat uŋun akdɨsak. Nak Daron wɨgɨkdɨsat, do nak da pi agɨm si yapmaŋek madepsi akdɨsak. 13  h  Yo morap abeŋ do nak da manon da nayɨni, uŋun akdɨsat. Yaŋ abo Dat da Monjikon man madep pakdɨsak. 14 Yo morap do nak da manon bɨsit yoni, uŋun nak akdɨsat.”

Yesu da Telagɨ Wup yɨpban pɨsak do yagɨt

15  i  Yesu da saŋbeŋek yaŋ yagɨt, “Ji nak do but dasi galak taŋ namaŋ kaŋ, yo morap ani do yagɨm uŋun guramɨtni. 16  j  Nak Datno iyɨko uŋun da Paŋpulugok kɨnda gat damdɨsak. Uŋun da ji gat bɨsap mudok mudogɨ mɨni egɨpdɨsak. 17  k  Paŋpulugok damdɨsak uŋun gen bamɨ dakon Wup. Mɨktɨm amɨn da arɨpmɨ dɨma abɨdogɨ, nido dɨma koŋ, ae dɨma nandaŋ ɨmaŋ. Mani ji da nandaŋ ɨmaŋ. Ji gat egɨsak, ae don ji da butgwan egɨpdɨsak. 18 Nak ji depmaŋ dekgo meŋ datyoni mɨni da tɨlagon dɨma egɨpdaŋ. Nak jikon tobɨl apdɨsat. 19 Bɨsap pɨsɨpmɨsok egek mɨktɨm amɨn da nak dɨma nandakdaŋ. Mani ji da nak nandakdaŋ. Nak egɨsat, do jiyo kɨsi yaŋ gɨn egɨpdaŋ. 20  l  Uŋun bɨsapmon nak Daron egɨsat, ae ji nagon ekwaŋ, ae nak jikon egɨsat, yaŋsi nandaba pɨsokdɨsak. 21 Amɨn kɨnda yo morap ani do yagɨm uŋun nandaŋek guramɨkdak, uŋun amɨn da nak do but dasi galak taŋ namɨsak. Amɨn kɨnda nak do but dasi galak taŋ namɨsak uŋun amɨn do Datno da but dasi galak taŋ ɨmdɨsak. Ae nakyo kɨsi uŋun amɨn do but dasi galak taŋ ɨmɨŋek naga naŋ yolɨko kokdɨsak.”

22 Yesu da yaŋ yaŋban Judas kɨnda, uŋun Judas Iskariot dɨma, uŋun da yaŋ iyɨgɨt, “Amɨn Tagɨ, gak niaŋon da gaga ninbaŋ gɨn nolɨkdɨsal, mani mɨktɨm amɨn morap dɨma yolɨkdɨsal?”

23 Yaŋban Yesu da yaŋ iyɨgɨt, “Amɨn kɨnda but dasi galak taŋ namjak kaŋ, uŋun amɨn da nak dakon gen guramɨtjak. Datno da uŋun amɨn but dasi galak taŋ ɨmjak. Aŋakwan nit op do uŋun amɨn gat egɨpneŋ. 24  m  Amɨn kɨnda but dasi dɨma galak taŋ namɨsak, uŋun amɨn nak dakon gen dɨma guramɨkdak. Gen on nandaŋ uŋun nak dakon gen dɨma, gen on Dat yabekban pɨgɨm uŋun dakon gen.

25 “Nak ji gat sigɨn egek gen on dayɨsat. 26 Mani Paŋpulugok, Telagɨ Wup, nak da manon Dat da yabekban pɨkdɨsak. Uŋun da yo morap do dayɨŋdetdɨsak. Ae ji paŋpulugaŋban gen morap dayɨgɨm da dayɨsat uŋun ae nandaba pɨsokdaŋ.

27 “But yawot jikon yɨpmaŋdat. But yawotno ji do damɨsat. But yawot on mɨktɨmon mɨŋat amɨn da damaŋ uŋuden dɨma. Do butji jɨk taŋakwa pasol pasol dɨma ani. 28  n Gen kɨnda dayɨko nandawit uŋun yaŋ ‘Nak depmaŋ kɨkdɨsat. Aŋek aeno tobɨl jikon opdɨsat.’ Ji da nak but dasi galak taŋ namaŋ kaŋ, nak Daron wɨgɨkdɨsat uŋun da kɨsɨk kɨsɨk damdɨsak, nido Dat da nak ŋwapmaŋdak. 29  o Yo morap don noman taŋ mudaŋakwa nandaŋ gadat ani yaŋ do mibɨltok gen on dayɨsat.

30 “Bɨsap dubak gen dɨma yoneŋ, nido on mɨktɨm dakon kɨla amɨn madep kɨlɨ uŋun apdɨsak. Uŋun da nak arɨpmɨ dɨma abɨŋ nepjak. 31 Mani mɨktɨm amɨn da nak da Dat but dasi galak taŋ ɨmɨsat yaŋ nandani uŋun do aŋek yo morap abeŋ do Dat da nayɨgɨt uŋun da arɨpmonsi asat. Kɨlɨ pɨdaŋba kɨno.”

Copyright information for `YUT