Psalms 120

Amɨn kɨnda Piŋkop da aŋpulugosak do bɨsit agɨt

Piŋkop gawak ɨmɨm tamokon kɨgɨk dakon kap.

Jɨgɨ noman taŋ namgwit bɨsapmon Yawe do yaŋ tɨdoko bɨsitno nandaŋ namgut.
Bɨsit yaŋ agɨm, “Yawe, top amɨn da nak aŋkewalni yaŋ do nak pulugaŋ nepbi.”

Top amɨn ji, Piŋkop da ji do yo ni baŋ aŋ damjak?
Uŋun da emat amɨn dakon gobɨŋ baŋ yamaŋ damdɨsak.
Aŋek kɨndapni tedepmɨ jikon tagaldɨsak.
Nak ji da binapmon yokwisi egɨsat.
Amɨn da Mesek mɨktɨmon bo Kade amɨn da binapmon yokwisi ekwaŋ uŋun da tɨlak jikon yokwisi egɨsat.
Nak mɨŋat amɨnyo yaworɨ egɨp egɨp do ɨkwayɨt aŋ amɨn gat kɨsi bɨsap dubagɨsi ekwamaŋ, do kuragɨsi nandɨsat.
Nak da tagɨsi yɨtni do yosot bɨsapmon uŋun emat gɨn ak do nandaŋ.

Kap 121

Copyright information for `YUT