Psalms 13

Amɨn kɨnda Piŋkop da aŋpulugosak do bɨsit agɨt

Dewit dakon kap kɨnda. Kap on kap yoŋ dakon kɨla amɨn do mandabi.

Yawe, ni bɨsapmon aego nandaŋ nabi?
Nak do dagok dagogɨ mɨni ɨŋtaŋ namɨŋ wɨgɨkdɨsal bo?
Gak bɨsap niaŋ da pasɨl namɨŋaki dɨma gandakeŋ?
Bɨsap niaŋ da butnokon da tepmɨ pasat uŋun sigɨn pakeŋ?
Gɨldat niaŋ da but yokwino sigɨn tosak?
Bɨsap niaŋ da uwalno da sigɨn abɨŋ nepni?
Yawe Piŋkopno, nandaŋ namɨŋek bɨsitno nandaki.
Dɨma aŋteban aki kaŋ, nak kɨmokgeŋ.
Yaŋ aŋaki kaŋdo uwalno da “kɨlɨ abɨŋ yɨpmamaŋ” yaŋ dɨma yoni.
Ae nak da maŋ pokgo kaŋek kɨsɨk kɨsɨk dɨma ani.
Mani bɨsapmɨ bɨsapmɨ but dasi galak taŋ namɨsal yaŋsi nandako dagosok.
Ae jɨgɨkon baŋ aŋpulugosol, do gak do kɨsɨk kɨsɨk abeŋ.
Yawe da nak do yo tagɨsi agɨt, do mani awɨgek kap yokeŋ.

Kap 14

Copyright information for `YUT