a16.8-11Ya 2.25-28
b16.9-10Ya 13.35

Psalms 16

Amɨn kɨnda da nandaŋ gadat aŋek bɨsit agɨt

Dewit dakon kap kɨnda. On kap do “Miktam” yaŋ yoŋ.

Piŋkop, aŋkutnoki do gagon obɨsat, do kɨlano aki.

Nak Yawe yaŋ iyɨgɨm,
“Gak Amɨn Tagɨno.
Yo tagɨsi morap tɨmɨkdat uŋun gak da kɨsiron dagɨn abaŋ.”
Piŋkop dakon amɨn uŋun tagɨsi.
Nak uŋun gat egɨp do tagɨsi nandɨsat.
Amɨn tɨmtɨm yaŋek piŋkop ŋwakŋwarɨkon kwaŋ uŋun jɨgɨ morapmɨ pakdaŋ.
Nak paret ak do bɨt kɨlapyo dakon yawi tagal do uŋun gat dɨma muwutneŋ,
ae piŋkopni dakon man dɨma yokeŋ.
Yawe, gak kaloŋ gɨn nak dakon yo morapno.
Yo morapno gak da kɨsiron gɨn toŋ.
Yo morapno paŋkutnaŋ namɨsal.
Mɨktɨmno gat ae yo tagɨsi morap gat gagon gɨn tɨmɨkdat.
Asisi, yo morap namɨsal uŋun wagɨl tagɨsi.
Yawe aŋkɨsikeŋ. Uŋun da tagɨsi egɨpbeŋ do nayɨŋ nolɨsak.
Ae kalbi butno da nayɨŋ dekdak.
a  Bɨsapmɨ bɨsapmɨ Yawe nak da kapmatjok ekwan nandɨsat.
Kapmatjok egek tapmɨm namɨsak, do yo kɨnda da arɨpmɨ dɨma aŋkwakwalɨtjak.
b  Yum nandaŋaki nak kɨmakbi kokupmon arɨpmɨ dɨma paŋkɨ egɨpbeŋ.
Aŋek gak dakon Telagɨ Amɨn yum kaŋaki kɨmakbi tamokon taŋ dɨma mɨktosak.
Yaŋdo, butno tagɨsi aŋakwan mango yaŋ aŋkɨsisat.
Pasol pasolɨ mɨni tagɨsi egɨsat.
11 Gak da egɨp egɨp dakon kosit nolɨsal.
Gak nak da kapmatjok egɨsal, do kɨsɨk kɨsɨk madepsi asat.
Ae aŋpulugaŋaki butno kɨsɨk kɨsɨk taŋakwan dagok dagogɨ mɨni yaŋgɨn taŋ aŋaŋ kɨkdɨsak.

Kap 17

Copyright information for `YUT