a32.1-2Ro 4.7-8

Psalms 32

Dɨwarɨnin yaŋkwok aŋek kɨsɨk kɨsɨk aneŋ

Dewit dakon kap kɨnda. Kap on do “Maskil” yaŋ yoŋ.

a  Amɨn kɨnda gulusuŋ agɨt dakon yokwini Piŋkop da wɨrɨrɨk ɨmɨsak, uŋun amɨn kɨsɨk kɨsɨk tagɨ asak.
Amɨn kɨnda Piŋkop da dɨwarɨni wɨrɨrɨk ɨmɨsak, ae topni mɨni egɨsak amɨn uŋun kɨsɨk kɨsɨk tagɨ asak.
Dɨwarɨno dɨma yaŋ teŋteŋagɨm bɨsapmon gɨldat kalba ae kalbi but yokwi nandaŋek iyoŋ iyoŋ yaŋek egɨpgum.
Aŋek tapmɨmno wagɨlsi alek tawit.
Gɨldarɨ ae kalbi tepmɨ pi namgul.
Gɨldat da mɨktɨm kaŋban kɨbɨdosok uŋun da tɨlak tapmɨmno kɨsisi maŋ mudawit.
Don dɨwarɨno gagon yaŋ teŋteŋagɨm.
Aŋpakno yokwi kɨnda dɨma aŋkɨsɨbɨgɨm.
“Yawekon dɨwarɨno kɨsi yaŋ kwokeŋ” yaŋ yagɨm.
Yaŋkwok abo dɨwarɨno kɨsisi wɨrɨrɨk namgul.
Do amɨn gak golgaŋ jɨgɨ bɨsapmon gak do bɨsit yoni.
Aŋakwa jɨgɨ pakbi ɨkdak uŋun da tɨlak abɨŋek arɨpmɨ dɨma pabɨŋ depni.
Gak kaloŋ gɨn pasɨlɨ tamono.
Gak da kɨlano asal, do jɨgɨ da nak arɨpmɨ dɨma abɨŋ nepni.
Gak da nak jɨgɨkon naŋ pulugosol, do nak aŋgwasɨŋek akgaŋ amɨn da but kwaktok kap yoŋ.
Yawe da yaŋ yosok, “Nak da gayɨŋ degek kosit agɨpbi uŋun golɨkdɨsat.
Nawa gen gayɨŋek kɨlago akdɨsat.
Gak os bo donki da yaŋ kadɨm dɨma dagoki.
Uŋun amɨn da gen kaganikon ain tɨm toŋ uŋudon nap teban paŋteban aŋek ɨlɨkba geni guramɨkgaŋ.”
10 But yokwi morapmɨ yokwi pakpak amɨnon noman toŋ.
Mani Yawe si nandaŋ gadaŋ ɨmaŋ amɨn uŋun dagok dagogɨ mɨni but dasi galak taŋ yomɨsak.
11 Amɨn kɨlegɨ ji butji tagɨsi taŋakwan Yawesi aŋkɨsini.
Butji gwaljɨgɨ mɨni amɨn, ji kɨsɨk kɨsɨk nandaŋek yaŋ tɨdoni.

Kap 33

Copyright information for `YUT