Psalms 6

Amɨn kɨnda jɨgɨni toŋ uŋun Piŋkop da aŋpulugosak do bɨsit agɨt

Dewit dakon kap kɨnda. Gita napmɨ 8 kabɨ uŋun naŋ tɨdaŋek yogogɨ.

a Yawe, butjap nandaŋek gen tebai dɨma nayɨki.
Butjap madepsi nandaŋek nak aŋmɨlɨp ak do tepmɨ pi dɨma nabi.
Yawe, tapmɨmno mɨni, do bupmɨ nandaŋ nabi.
Yawe, gɨptɨmno tep namaŋ, do aŋmɨlɨp abi.
Butno wagɨlsi jɨk tosok. Yawe, bɨsap niaŋ da jɨgɨ paŋegɨpbeŋ?
Yawe, tobɨl obɨŋek yokwikon baŋ abɨdoki.
Bɨsapmɨ bɨsapmɨ amɨn do but dasi galak taŋ yomɨsal, do aŋpulugaŋbɨ dɨma kɨmokgeŋ.
Amɨn kɨmakbi dɨma nandaŋ gamaŋ.
Kɨmakbi tamogwan da gak dɨma aŋkɨsaŋ.
Iyoŋ iyoŋ yaŋ egapbo tapmɨmno wagɨlsi maŋ mudoŋ.
Kalbi morap kunam pakbino da tamono wagɨlsi aŋgɨk asak.
Kunam tagapbo busuŋ kɨdɨŋno madepsi gɨk tosok.
Uwalno morapmɨsi, do kunam gɨn tak egapbo dabɨlno pɨrɨropmaŋ.
Aŋakwa yo kɨnda dɨma kosot.
b  Kunam tak egapbo Yawe da kɨlɨ nandaŋ namgut, do aŋpak yokwi aŋ amɨn ji kɨsisi nepmaŋdek kɨt.
Yawe da aŋpulugosak do aŋek yaŋ tɨdaŋapbo nandaŋ namgut.
Yawe da bɨsitno nandagɨt.
10 Uwalno kɨsisi mayaktok ae but yokwiyo pakdaŋ.
Tepmɨsi tobɨl kɨŋek mayaktok pakdaŋ.

Kap 7

Copyright information for `YUT