Psalms 82

Piŋkop uŋun kɨla amɨn madep mibɨltogɨ

Asap dakon kap kɨnda.

1Piŋkop uŋun Kwen Kokup muwut muwut madep dakon mibɨltok amɨn yɨkdak.
Mɨktɨm morap dakon kɨla amɨn da muwugakwa nandak nandakni kokwinɨkdak.
2Aŋek yaŋ yoyɨsak,
“Ji bɨsap niaŋ da gen kokwin pi gulusuŋ ani?
Ji yokwi pakpak amɨn nido paŋpulugoŋ?
3Ji yoni mɨni amɨn ae monjɨ datni kɨmakbi paŋpulugoni.
Aŋek jɨgɨ paŋek yokwi ekwaŋ amɨn uŋun paŋkutnoni.
4Amɨn yokwi ekwaŋ ae yo do wadaŋ amɨn uŋun yokwi pakpak da kɨsiron baŋ pulugaŋ tɨmɨgek paŋpulugoni.
5Ji pɨlɨn tukgwan agek nandak nandakji mɨnisi, do mɨktɨmɨ mɨktɨmɨ amɨn aŋpak kɨlegɨ dɨma aŋ.
6 a  Nak gen yaŋ yosot, ‘Ji piŋkop ekwaŋ.
Ji Piŋkop Wukwi Madep dakon monjini ekwaŋ.
7Mani amɨn morap kɨmokgoŋ jiyo yaŋ gɨn kɨmotdaŋ.
Kɨla amɨn morap kɨmokgoŋ jiyo yaŋ gɨn kɨmotdaŋ.’ ”
8Piŋkop, mɨŋat amɨn morapyo uŋun gak dakon gɨn, do abɨŋ mɨktɨm amɨn morap gen kokwin aŋyobi.

Kap 83

Copyright information for `YUT