Psalms 93

Piŋkop uŋun kɨla amɨn madep egɨsak

Yawe uŋun kɨla amɨn madep egɨsak.
Kɨla amɨn madep dakon ɨmal pasak.
Asi, kɨla amɨn madep dakon ɨmal pasak, ae tapmɨmni uŋun madepsi.
Mɨktɨm daman uŋun wasaŋban tebaisi tosok, arɨpmɨ dɨma puweŋ kɨsak.
Yawe, gak kɨla amɨn madep yɨtyɨt tamogokon kalɨpsigwan kɨlɨsi yɨkgɨl.
Yo morap dɨma noman taŋakwa gak kɨlɨsi egɨpgul.
Yawe, tap pakbi madep uŋun da madepsi tamalɨkgaŋ.
Aŋek wɨwɨk madepsi yaŋek sulukwaŋ, ae ɨleŋɨkon tebaisi tɨdoŋ.
Mani Yawe, gak dakon tapmɨmgo uŋun pɨdaŋbisi.
Tap pakbi madepsi tamalɨkgaŋ uŋun dakon tapmɨm yapmaŋdak, ae ɨleŋɨkon tɨdoŋ uŋun dakon tapmɨm yo kɨsi yapmaŋdak.
Gak dakon gen tebango uŋun toktogɨsi tokdaŋ.
Yawe, gak dakon yut dagok dagogɨ mɨni telagɨsi tokdɨsak.

Kap 94

Copyright information for `YUT