Joh 20:19-23 | AltIBT2017 | STEP | Ол кӱн, неделениҥ баштапкы кӱниниҥ эҥиринде ӱренчиктер иудейлердеҥ коркып, эжигин кӱрчектейле отурарда, Иисус келип, олордыҥ ортозына туруп, – Слерге амыр болзын!

‏ John 20:19-23

19 Ол кӱн, неделениҥ баштапкы кӱниниҥ эҥиринде ӱренчиктер иудейлердеҥ коркып, эжигин кӱрчектейле отурарда, Иисус келип, олордыҥ ортозына туруп,

– Слерге амыр болзын! – деди.

20 Мынайда айдала, олорго Бойыныҥ колдорын ла кабыргаларын кӧргӱсти.

Кайраканды кӧрӧлӧ, ӱренчиктер сӱӱне бердилер.

21 – Слерге амыр болзын! – деп, Иисус такып айтты. – Канайып Мени Ада ийген, анайып Мен де слерди ийип турум.

22 Мынайда айдала, олор јаар чыгара тынып,

– Агару Тынды алыныгар – деди. – 23 Кемниҥ кинчегин таштазагар, оныйы ташталар, кемде артырзагар, артып калар.