Joh 6:15-21 | AltIBT2017 | STEP | Келип, Оны тудала, каан эдип аларга тургандарын Иисус билип ийеле, јаҥыс Бойы кыр јаар ойто јӱре берди.

‏ John 6:15-21

15 Келип, Оны тудала, каан эдип аларга тургандарын Иисус билип ийеле, јаҥыс Бойы кыр јаар ойто јӱре берди.

Сууныҥ ӱстиле басканы

(Мф. 14:22-27; Мк. 6:45-52)

16 Эҥир кире берерде, Иисустыҥ ӱренчиктери талай јаар тӱштилер. 17 Кемеге отурып, талайдыҥ ол јанындагы Капернаум дӧӧн јӱстилер. Караҥуйлай берди, Иисус дезе олорго эмдиге јетире келбеген. 18 Тыҥ салкын согуп, талай толкуланып турган. 19 Беш-алты беристе кирези јӱзеле, Иисустыҥ талай ӱстиле базып, кемеге јууктап келеткенин кӧрӧлӧ, коркый бердилер. 20 Је Ол:

– Бу Мен, коркыбагар! – деди.

21 Олор Иисусты кемеге отургызып аларга турарда, кеме ол ло тарый олор јӱзӱп бараткан јаратка једип токтоды.